FRAGMENTO
FRAGMENTO
FRAGMENTO
Create successful ePaper yourself
Turn your PDF publications into a flip-book with our unique Google optimized e-Paper software.
Horizontes del saber I<br />
Anti urqukunaqa Hurin América llaqtakunapim tarikun. Kay hatun aysakuy<br />
urqukunaqa Argentinanta, Bolivianta, Chilenta, Ecuadorninta, Colombianta,<br />
Perúninta, tumpata Venezuelanta ima aysakun. Anti urqukunaqa kay América<br />
allpakunapi aswan hatun aysakuymi, kaqtaq tiqsi muyuntinpipas hatun kasqanrayku<br />
ancha riqsisqam. Kay urqukunaqa hurinmanta hanaqmanmi aysakun, chayqa<br />
Océano Pacífico mama quchata muyupayaspam 7.500 kilometrosta suninman<br />
aysakun.<br />
Kay urqukunapa chawpichasqa sayayninqa tawa waranqa thatkiyllapas kanmanmi,<br />
kantaqmi may maypiqa hatun urqunkuna, chaykunaqa suqta waranqa thatkiytapas<br />
aypanraqmi. Anti urqukunaqa hatun sayayniyuq urqukunayuqtaq, urqu patakunapi<br />
hatun pampakunayuqtaq, ukhu wayq’u yunkakunayuqtaq. Kay wayq’ukunaqa<br />
Anti urqukunapa aysakuynin aysakuyniyuqmi kallantaq. Kallantaqmi aysakuynin<br />
kuchuq yunkakunapas, chaykunaqa pisilla kaspapas aswanqa Argentinapa Anti<br />
urqunkunapi, Chilepa Anti urqunkunallapi tarikun. Aswan hatun Anti urqukunapa<br />
sayayninqa kaykunam:<br />
• Aconcagua urqu, chayqa 6.962 thatkiyniyuq sayayninman (msnm). América<br />
allpakunapiqa kaymi aswan hatun sayayniyuq urquqa, kaqtaq chay hemisperio<br />
Sur y occidental sutiyasqa allpakunapipas. Aconcagua sutiyuq hatun urquqa<br />
Mendoza sutiyuq suyuchapim, Argentina Mama llaqtapim tarikun.<br />
• Nevado Ojos del Salado sutiyuq rit’isqa urqu, chayqa 6.879 msnm, tarikuntaqmi<br />
Chile Mama llaqtapi Argentina Mama llaqtawan tinkuyninpi. Kay rit’iyuq urquqa<br />
nina aqtuq urqullataqmi, kay urquqa tiqsi muyuntinpi aswan hatun sayayniyuqmi.<br />
• Huascarán sutiyuq rit’i urqu, chayqa 6.768 msnm sayayniyuq. Kayqa Cordillera<br />
Blanca rit’isqa aysakuypi tarikun, chayqa Anqas suyupi, Perú Mama llaqtapi<br />
tarikun.<br />
Kay urqukunapa yaqa chawpi aysakuyninpim huk pampaman rikch’akuq allpakuna<br />
tarikun, chaypaq sutinmi meseta del Altiplano. Kay Altiplano sutiyuq urqu patapi<br />
pampaqa Argentina Mama llaqtapi, Bolivia Mama llaqtapi, Chile Mama llaqtapi,<br />
Perú Mama llaqtapi ima rikhurin. Anti urqukunaqa yapamanta Perú Mama llaqtapa<br />
Ecuador Mama llaqtapa tinkuyninpi k’ichkichallantaq, chaymantaqa yapamanta<br />
Colombia Mama llaqtaman chayaspa kichakullantaq. Chaypiqa Anti urqukunaqa<br />
kimsa aysakuyman phatmakun, chaymantataq Venezuelakama chayan, yaqa<br />
Mar Caribe sutiyuq mama quchakama.<br />
Perú Mama llaqtapa Anti urqunkunapiqa, españolkunapas kay allpakunaman<br />
manaraq chayamuchkaptinsi hatun llaqtayuq runakuna tiyaq kasqaku;<br />
chay runakunaqa wasikunata llaqtachakusqankupi hatarichisqaku, kaqtaq<br />
pukarakunatapas pirqallasqakutaq. Chaymantapas allpakunapa tarikuyninmanhina<br />
chakrata chiripipas q’uñipipas rurallasqakutaq. Perú Mama llaqtapiqa 36 hatun<br />
urqukuna tarikun, chay urqukunapa sayayninqa 6,000 thatkiytapas kuraqyanmi<br />
(msnm) Yaqa 1,000 urqukunam sayayninmanqa 5,000 thatki kuraq tupun. 20<br />
urqukunataqmi rit’iyuq. Anti urqukunaqa ancha sumaqmi qhawakunapaqpas,<br />
siqanapaqpas, chayraykutaqmi chay urqukunamanqa wichanku kay kikin Perú<br />
Mama llaqta runakunapas, wak llaqta runakunapas.<br />
105