FRAGMENTO
FRAGMENTO
FRAGMENTO
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Horizontes del saber I<br />
unquy, fiebre amarilla chukchu unquy hukkunapas; chaykunapaqqa<br />
manas ari hampi kaqchu kasqa. América allpakunaman europeokuna<br />
chayraq chayamuchkaptinsi runaqa pusaq chunka hunu (80 000 000)<br />
kanman karqan, kimsa pachak wata qhipamantataq, chayqa 1 800<br />
watapi, tawaman phatmasqamanta huknillanña kapusqa. Chayqa iskay<br />
chunka hunullamanña tukupusqa. Kay América llaqtakunamantaqa<br />
Europa llaqtaman sífilis sutiyuq wanthi unquytas apallasqakutaq, chaysi<br />
paykunapa runankunataqa wañuchillantaq. Chayhinas ari kasqa chay<br />
watakunapi.<br />
América allpakunapiqa español simi huk llaqtakunapi, portugués simitaq<br />
wak llaqtakunapi kay llaqtakunapa siminkunataqa atipallasqataq. Chayhina<br />
ruranapaqsi ari kamachikuykuna karqan. Chayraykus ari kay llaqtakunapa<br />
rimasqan simikunapas huk kawsayninkunapas sarunchasqataq,<br />
qhawarparisqataq qhipakusqa. Iñiymanta rimaspataq chay religión católica<br />
sutichasqa iñiysi llapan runa hunt’ananpaq kamachikapun. Chayhinatas<br />
ari, kasta kasta runakunapas América allpa runakuna, Africa runakuna,<br />
Europa runakuna muhunkuta chaqruspa kawsapunku, kaqtaqsi tukuy ima<br />
yachayninkupas chaqrukapullantaq, may maypiqa wakin qunqakapunpas.<br />
España runakunapas, Portugal Mama llaqtapa runankunapas, aswanqa<br />
kay América allpakunapi quri qullqitapuni ñawpaqtaqa llamk’achisqaku.<br />
América llaqtakuna atisqanku qhipamanta 150 watallapi 17 000 tonelada<br />
llasaq qullqitawan, 200 tonelada llasaq quritawansi España llaqtaman<br />
apasqaku.<br />
América allpakuna tarisqankupas, atisqankupas, kawsaykuna<br />
t’ikrachisqankupas apamullasqataqmi huk allin kawsaykunata. Kay<br />
América allpakunapi riqsisqa mikhunakunas tiqsi muyuntinpipas chayraq<br />
riqsikun. Chaysi llapan mikhunamanta tawaman phatmasqamantaqa<br />
kimsa phatmayninsi kanman. Chay mikhuykuna ukhupim tarikun: sara,<br />
papa, rumu, lakawiti, tumati, purutukuna, chukulati, vainilla, uchukuna,<br />
palta hukkunapas.<br />
Kaqllataq, qallariypiqa español runakunaraq, qhipamantaq Europa<br />
runakunapas kay América llaqtakunamanqa apamullasqakutaq runa<br />
yanapaq kay uywakunata: kawalluta, asnuta, uwihata, wakata, kanchasqapi<br />
uywana khuchita, wallpakunatapas, lima quwitapas, hukkunatapas.<br />
Apamullasqakutaq misk’i ruruyuq mallkikunatapas, siwarata, avenata,<br />
centenota, trigota, caña de azúcarta cafétapas.<br />
Américaman Colónpa chayamusqanqa hatun wamp’uykunaman<br />
ñawita kichasqa, kaqtaq llaqtakunapa ruruchisqanku tiqsi muyuntinpi<br />
qhatuykunatapas. Kay rurasqakunas ari may ñawpaqmantaraq<br />
chay proceso de globalización económica y cultural sutiyuq musuq<br />
kawsaytaqa qallarichinman karqan. Chay imapas aypachinakuyqa musuq<br />
willanakuykunawan aswanmi ñawparichkan.<br />
61