FRAGMENTO
FRAGMENTO
FRAGMENTO
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Horizontes del saber I<br />
Puka bufeomanta llulla<br />
kawsasqa<br />
Amazonas sutiyuq yunka allpakunapim yuraq puka delfintaqa puka bufeo<br />
sutiwan riqsillankutaq. Kallantaqmi huk llimp’iyuq delfinkunapas, hukmi kan<br />
uqiman rikch’akuq.<br />
Llulla kawsaymi kallantaq, chaypim bufeoqa ñawpa machuman tukuspa<br />
rikhurimun. Chay bufeoqa rinkuman kutispas munay sipas warmikunata<br />
maskan. Rinkuman rikch’akuspas kusikuy wasikunaman qhawarikusqan<br />
sipaskuna maskaq rin. Chay rinku runaqa tususpa tususpas sipasta<br />
rimapayakun, huk runakunamantaqsi machanata aypachin, chaykunata<br />
ruraspas llapan runakunataqa yukan. Payqa manataqsi mikhunpaschu,<br />
manataq machanpaschu. Machanman chaypachaqa layqasqas<br />
chinkanman, chayraykutaq paytaqa pichus maychus kasqanta tarinkuman.<br />
Bufeoqa, rinkuman rikch’ayniyuq kaspa ña huk sipaswan munachikuspa,<br />
paymanqa imaymana mañakusqanta qun, munasqantataq ruran.<br />
Chay sipastaqa sapa ch’isin watun, manaraq paqariynintañataq ripun.<br />
Chay sipasqa pisi pisimantas huk niraq puriykachayta qallarin. Payqa mayu<br />
patallapis maykamapas qhipayta munan. Chay sipaspa unquynintaqa huk<br />
allin yachaq chamansi hampiyta atin, pachanpi mana hampisqa kaspaqa<br />
mayuman wisch’uykukuspas huktawanpas mana kutimunmanñachu.<br />
Chay rinku uyayuq puka bufeopa tuta qullqi apaykachasqanqa manas<br />
qullqichu kanman, tutaqa qullqimansi rikch’akun, p’unchaw allin<br />
qhawaykusqañataqsi chayqa sach’akunapa mullpha rapillan.<br />
Rimakullantaqmi, china bufeokunapas kallantaqsi. Bufeokunaqa<br />
wamp’upiraqsi yunkapa hatun mayunkunapi tutantin puriykachanku.<br />
190