Il Guado dell'Antico Mulino - Aprile 2010 - Sanpietroingu .net

E jera sberle
di Sofi a Giachin
Angeo tute e domeneghe el sarava el fosso
par pescare i marsuni. Noaltre, mi e me cugina,
vegniimo casa da messa, se cambiaimo l’abito da
festa e gaveimo za el piron in man: lu, come che’l
ne vedea, el scumissiava a tirare porchi e resie.
Noialtre andaimo on poco pi in zo, che nol ne
vedesse; andaimo dentro el fosso e pescaimo.
Angeo el ghin ciapava tanti, ma el voeva anca i
nostri parchè el fosso lo gavea sarà lu.
A ghe go dito: “Ma xeo tuo, Angeo, el fosso?
El me ga moeà na sberla…par fortuna che me so
scansà cussì el me ga ciapà solo de strisso.
A ghemo fritti i marsuni chii ga fato un profumo
che xe rivà anca el gato par magnare e teste.
Almanco queo me voea ben: se me sentavo in
carega, el me saltava suito in gaia.
A se ghiimo messe d’acordo che dopo magnà
andaimo a more sui morari de che l’altro; a ghemo
traversà el campo e se ghemo rampegà sui morari.
A ghi nemo magnà fi n che jerimo stufe, a ghe
jera anca on bel gnareto de raiestoea co cinque
uviti a puntini. Quando che semo vegneste zo dal
moraro ghe jera el paron del campo che el me ga
inarcà na sberla, cose chel moraro el min desse
n’altra.
A so ‘ndà casa e me mama la ga dito che ‘a ‘ndava
a indormessare me sorea. A go pensà: chissà che
‘a ciapa sono anca ea.
A so ‘ndà fora suito prima che ‘a me comandasse
pag. 62
mistieri, a jera tuto el dì chea musica a scumissiava
a la matina:”te gheto lavà el muso? gheto dito
e orassion? Và portarghe on poco de sorgo ae
gaine, varda se e gà fato ovo, te ghe da lavare
e scudee, stà tenta che no vaga parsora a late,
te ghè da ‘ndare al fosso a rasentare i panesei,
te ghe da tendare a tosa che mi go da ‘ndare aa
botega, e sta tenta che no mora el fogo parchè
me ocore e bronse parchè a go da stirare”.
A ghe go dito a me cugina: xe mejo che fi n chii
dorme a ‘ndemo in Brenta. A ghe jera on soe
che spacava anca e piere; in fra ‘ndare, stare on
poco là, e vegnere casa, a xe vegnesto e quatro.
Come che so rivà casa a go pensà: “ a so fortunà!
In corte ghe jera Bepi Ocia coll’organeto, e me
mama coa tosa in brasso che a scoltava a musica,
e no a me gà dito gnente.
Quando che Bepi el xe partio, la me xe vegnesta
rente e a me ga dà na sberla cussì fi ssa che so
‘ndà dosso el piastro. La me ga dito: “Dove sito
sta fi n desso? E prima sito ‘ndà romparghe i cai
dee visee a che altro? O setto che el xe vegnesto
qua bravare? “ Mi go risposto: “No xe gnente
vero che go roto i cai dee visee”. Ea ga dito: “Xe
mejo che te sari chea boca e no sta rispondere,
te si na slenguassona, ghin vuto naltra sberla, pì
fi ssa? E và lavarte chii pie e metete on paro de
savate che so stufa de vedarte sempre onta come
na singana.
Co vien casa too pà a gheo conto, cussì qualche
sberla chissà ch’el tea daga anca lu”.
Tante volte a penso che jera mejo e sberle de na
volta che a pression alta de desso.
CORSO DI SCACCHI
per ragazzi dagli 8 anni (pomeridiano) e per adulti (serale)
(10 lezioni da 1 ora e 30)
I corsi inizieranno a partire dalla metà di Maggio,
se si raggiunge il numero minimo di 10 iscritti per ciascun corso.
Iscrizioni presso il BAR dell’Oratorio fi no all’8 Maggio.
Costo di partecipazione € 10,00 a persona (da versare ad inizio corso).
Alla fi ne, tra i partecipanti, gara valida per il PALIO!
Contatti per informazioni: Sig. Piersilvio Brotto, tel. 049 5991303