Create successful ePaper yourself
Turn your PDF publications into a flip-book with our unique Google optimized e-Paper software.
4.2 PRETORIUSSTRAAT<br />
Pretoriustraat is een van die drie strate wat dwarsdeur die stad loop<br />
en is ook een van die besigste. Dit voer verkeer na die weste en is in<br />
vele opsigte 'n spieëlbeeld van Schoemanstraat wat verkeer na die<br />
ooste lei.<br />
Die diep vallei van geboue, geskep deur argitektonies-stedelike<br />
beginsels en vasgelê in die destyds modernistiese<br />
stadsbeplanningsregulasies, begin reeds by Prinsloostraat en loop<br />
deur tot by Bosmanstraat. Wes hiervan breek die streng geperkte<br />
straatruim tussen die Magistraatshof en die gebou van die Raad vir<br />
Geesteswetenskaplike Navorsing op en neem plataanbome die<br />
ruimtemakende rol van die geboue oor.<br />
By Prinseparklaan eindig die straat skielik en onverwags.<br />
Die straatnaam gedenk beide generaal Andries Pretorius wat die<br />
Voortrekkers by Bloedrivier gelei het en sy seun Marthinus Wessel<br />
Pretorius, president van die ZAR (1857-1860 & 1864-1871) en die<br />
OVS (1859-1863). Pretoria, wat in 1855 deur MW Pretorius op sy<br />
plaas gestig is, is na sy vader vernoem. Bron: Andrews & Ploeger<br />
(1989); De Kock (1968).<br />
Die kwadrant vanaf die suidwestelike hoek van Kerkplein teen c1891. 'n Deel van Pretoriusstraat<br />
loop tussen die Raadsaal (links) en die ou Magistraatskantoor op die hoek van Bosmanstraat<br />
8
Change language