View/Open

van die jare dertig en hom op die funksioneel verantwoordbare
argitektuur toegelê. Die benadering sluit sonder moeite by die reeds
ontwikkelde konsepte van Burg & Lodge aan. Hierdie was óf 'n
gelukkige assosiasie, óf Burg had moontlik die grootste sê met die
finale produk. Die streng sekerheid van die geheel is nuut.
38
Landmerk en uitsonderlike voorbeeld van 'n staatsgebou uit die jare
vyftig, alvorens die invloed van die Brasiliaanse skool in Pretoria die
oorhand gekry het. Bron: Burg Doherty Bryant en Vennote, argitekte.
ADRES Bosmanstraat 320, h/v Schoeman
ERFNOMMER 551 – Blok 9
HUIDIGE GEBRUIK Kantore vir Raad op Plaaslik Bestuursaangeleenthede:
HB Philipsgebou
'n U-vormige gebou met oop, beplante binnehof na Bosmanstraat
waar twee loopbrûe op piloti die eerste- en tweedevloere van die
suidelike en noordelike vleuels verbind. Trapskag teruggesit van
binnehof; suid nege verdiepings en noord agt verdiepings met 'n
verdiepinghoë projeksie na die sypaadjie. Geverfde betonwande,
horisontaal onderbreek vir staalraamvensters en balkonne. Hol
betonblokke gebruik voor diensopeninge, brise-soleil voor van die
westelike vensters.
Die gebou is deur CB Swanepoel van C Straus Brink Argitekte
ontwerp en is in 1957 voltooi. Nog 'n ondubbelsinnig Moderne gebou
met impliseerde verwysing na die Brasilië-styl. Hoewel ekspressief
van struktuur en funksie is die ontwerp meer pragmaties en daarom
meer Pretoriaans as die Vleisraad of Provinsiale Administrasiegebou.
Die gebou beset die straathoek volledig en beplanting dra by
tot die sypaadjie in Bosmanstraat.
ADRES Skinnerstraat 149, h/v Bosman
ERFNOMMER 2960 – Blok 14
HUIDIGE GEBRUIK Kerk: Cathedral of the Sacred Heart
Kyk Skinnerstraat
ADRES Visagiestraat 152, h/v Bosman
ERFNOMMER 689 – Blok 13
HUIDIGE GEBRUIK Kantore en die Nywerheidshof: Continentalgebou,
Kyk Visagiestraat
ADRES Visagiestraat 139, h/v Bosman
ERFNOMMER Deel van 900-905, 909-912 – Blok 19
HUIDIGE GEBRUIK Ongebruik: Munthuis, Kyk Visagiestraat
ADRES Bosmanstraat 449, h/v Minnaar
ERFNOMMERS 913-914 – Blok 19
HUIDIGE GEBRUIK Ambulansdienste
'n Kompleks in 'n U-vorm teen die straat, met 'n binneplein oop na
die weste. Teen Bosmanstraat is 'n dubbelverdiepingvleuel:
simmetries om die middel, waar die noodvoertuig-uitgange in 'n
profileerde argitraafraam, 'n skaapboudgewel en 'n lanternspits op
die nok. Wes van dié gebou loop twee eenderse vleuels aan die
noorde- en suidekant om die binneplein. Die siersteenmure is nou
geverf en balkonne is teruggesit van die dakoorhang. Houtskuifraamvensters,
hout- en granolietvloere, houtplafonne regdeur.
Die gebou is as brandweerstasie in 1912 (hoeksteen) opgerig en is