View/Open

gee. Bo die verandadak word hierdie indeling gestuit onder 'n
dubbele, korbelende kroonlys, net om weer opgeneem te word in
vertikaalgespitsde staalprofiele. Die gebou is helderkleurig geverf en
die plint en dado is met teëls geaksentueer.
'n Klein, nuwe gebou wat hom steur aan die verband tussen straat
en gebou. Dit is 'n eenvoudige konstruksie wat slim afgewerk is en
saam met Dairy Mall kleur terugbring na die middestad en die
kommersiële potensiaal van argitektuur ten goede uitbuit. Ontwerp
deur Frame en Lampropoulos, argitekte.
ADRES Jacob Maréstraat 149, h/v Bosman
ERFNOMMER 2833 – Blok 27
HUIDIGE GEBRUIK Kommersieel en minibustaxi-staanplek:
Dairy Mall
Ou industriële store en fabriek met nuwe geboue saamgevoeg tot
pendelaar- en verkoopsplek. 'n Groot buiteruimte tussen die
noordelike en suidelike dele strek tot teen Bosmanstraat waar
afdakke vir 'n informele straatmark voorsiening maak. Minibustaxis
gebruik hierdie plein tot teen die uitgang in Jacob Maréstraat. Kleur
en uithangborde versoen toebehore van die vorige funksie met die
huidige kommersiële. Die geboue is dubbelverdieping, van
verskillende siersteen en met samevoegings en improvisasies van
sinkdakke.
Die belang van Dairy Mall (vroeër 'n roomysfabriek) is naas die
ooglopende ekonomiese en sosiale waarde ook stedelik, waar dit 'n
plek maak vir stedelike aktiwiteit en as fasiliteerder optree vir 'n
verskeidenheid funksies. Die lewensvatbare hergebruik van
bestaande strukture en die integrasie met die kommersiële tekstuur
daarom maak 'n bydrae tot 'n deel van die stad wat lank geen
deurdagte ontwikkeling geken het nie. Hierdie voorbeeldige houding
bewys dat die mens se plek in die stad nog nie verlore is nie, maar
selfs versoen kan word met dié van die motorkar. Die nuwe geboue
en herbenutting is in 1988 deur die firma Meiring Van der Lecq
Thomas en Ronga gedoen. Bron: Meiring Van der Lecq Thomas en
Ronga, argitekte.
ADRES Bosmanstraat, net suid van Dairy Mall, en
Jacob Maréstraat 9
ERFNOMMERS 2788 en 2891 – Blok 27
HUIDIGE GEBRUIK Parkering en ongebruik
Erf 2788 lê tussen die spoorlyne en die geboue van Dairy Mall. Dit is
'n onontwikkelde grondoppervlak wat oorloopparkering aan huurmotors
en staanplek vir handelaars bied, wat reeds daarop dui dat
dit uitbreiding van die kommersiële aktiwiteite kan akkommodeer.
Vanweë die ligging behoort dit geïnkorporeer te word in die
ontwikkeling wat rondom die stasie beplan word.
26
Erf 2891 huisves 'n groep industriële geboue met saagtanddakke, 'n
kantoorgebou teen Jacob Maréstraat en store. Die aktiwiteite van
Dairy Mall het reeds hierheen uitgebrei sodat nywerhede hier
onwenslik geword het. Die ekonomiese potensiaal van die geboue is
van belang en die dubbelverdieping kantoorgebou met sentrale
ingang tussen geronde teëlhoeke is van mindere argitektoniese
waarde. Die perseel behoort ondersoek te word vir toepaslike
hergebruik.