View/Open

is soliede mure oor die nege verdiepings waarin geverfde betonbalke
en die struktuur op straatvlak wys. Suid word die ingevulde
struktuur ook rigied ingedeel met ononderbroke horisontale staalraamvensters
net onder die blad en smal vertikale vensterbane.
'n Eertydse hotel wat omskep is vir die huidige gebruik. Die gebou
spreek nog die straathoek, nog die sypaadjie aan, maar staan
ongeerg daarvan terug. Die vryheid van die laat Modernisme is
sigbaar in die struktuur op die dak, maar word tot funksionele
verantwoording geroep in die res van die gebou. Die uitstaande
kenmerk daarvan is dat dit 'n hoë wand na die Stadsaal draai en so
die oop ruimte daarom inperk.
ADRES Visagiestraat 139, h/v Bosman
ERFNOMMER Deel van 900-905, 909-912 – Blok 19
HUIDIGE GEBRUIK Ongebruik: Munthuis
Woonhuis in groot (eertyds formele) tuin, enkelverdieping en van
siersteen in Engelse verband en met leiklip skilddak. 'n Sentrale
stoep op voorafvervaardigde kolomme aan die noordekant, houtraamvensters
met hortjies en houtdeure na buite. Die huis lê om 'n
binnehof, die gevolg van aanbouings aan die suidekant, waar staalraamvensters
gebruik is. Binne is houtvloere en kaggels. Buitegeboue
(motorhuis en kamers) suidwes van die huis.
Die huis is vroeër bewoon deur die direkteur van die Munt. Dit is in 'n
redelike toestand, maar benodig aandag. Die waarde is
kultuurhistories en argitektonies; saam met die tuin is dit 'n
aangename plek wat verdien om gebruik en geniet te word.
ADRES Visagiestraat 105, h/v Schubart
ERFNOMMER Deel van 900-905, 909-912 - Blok 19
HUIDIGE GEBRUIK Ou Suid-Afrikaanse Munt
22
'n Strak gebou van die straat teruggesit en daarvan geskei deur 'n
heining. Die grondvlak tree terug agter kolomme wat die basis vorm
en die fasades eweredig indeel, met 'n deurlopend geponsde band
daarbo – alles afgewerk in glasuurde teëls. Die noordelike vleuels
huisves kantoorvlakke langs 'n sentrale volume om die ingang; in die
suide is produksie- en bergruimtes.
Die gebou is in 1968 ontwerp daur Interplan, argitekte, en is in twee
fases voltooi waarvan die laaste in 1976. Dit dateer uit die tydperk
van laat Modernisme en plaaslike optimisme; hier word die
funksionele gerig deur 'n formalisties formele benadering wat kan dui
op die bedoelde gebruik en status daarvan. Hierdie gebou het die ou
Royal Mint vervang wat op dieselfde terrein was en waarvan twee
woonhuise behoue gebly het (kyk Minnaarstraat 130 en Visagiestraat
139). Sedert 1991 word die Suid-Afrikaanse Muntmaatskappy
in Midrand gehuisves wat die gebou beskikbaar laat vir hergebruik.
Toekomstige gebruike sal moet rekening hou met die afstand wat die
gebou fisies en visueel van die straat handhaaf. Bron: Interplan,
argitekte; KWP Argitekte.
ADRES Visagiestraat 81-95, tussen Schubart en
Potgieter
ERFNOMMERS 897-899, 906-908, 1104-1106, 1125-1127 –
Blok 20
HUIDIGE GEBRUIK Staatsgarage, Pretoria