View/Open

4.15 PRINSEPARKLAAN
Die straat is vernoem na die park daarnaas, wat volgens Andrews en
Ploeger self drie keer van naam verander het totdat dit in 1904 na
Prins Christian Victor van Schleswig-Holstein, 'n lid van Roberts se
personeel, verdoop is. Dit is die laaste straat in die suidwestelike
kwadrant en loop langs die Steenovenspruit. Aan die oostekant loop
Pretoriusstraat daarteen dood en die straat self maak 'n Taansluiting
met beide Kerkstraat en Visagiestraat.
44
Prinseparklaan is besig as verbinding tussen ander strate en het
feitlik geen besigheidsadresse, behalwe die van AVBOB, nie. Dit is 'n
onseker plek, met oop parkgebied tussen die spruit, Skinner- en
Kerkstraat. In die deel tussen Kerk- en Pretoriusstraat is tydelike
motorafdakke aangebring.
Die straat is afgeskeep en sonder eieregtige assosiasie. Die padruimte,
gedefinieer deur boomlanings, is die sekerste kwaliteit
daarvan.
Wes van die straat staan 'n eikeboom binne 'n ringmuur – 'n saailing
van die boom in 1904 deur die moeder van Prins Christian Victor
van Schleswig-Holstein geplant. Die oorspronklike boom, wat nader
aan Schoemanstraat gestaan het, het gevrek en die ringmuur is
verskuif na die saailing. Bron: Andrews & Ploeger (1989); R van der
Merwe, Parke en Ontspanning, Stadsraad van Pretoria.
ADRES Kerkstraat 3, h/v Prince's Parklaan
ERFNOMMER 345 – Blok 3
HUIDIGE GEBRUIK Kantore: AVBOB-gebou, Kyk Kerkstraat
ADRES Pretoriusstraat 3, h/v Prinseparklaan
ERFNOMMER 437 – Blok 8
HUIDIGE GEBRUIK Kerk: Nuwe Apostoliese Kerk
Kyk Pretoriusstraat