View/Open

dieselfde firma) is in aspekte van die beplanning sigbaar. Die
kontekstuele aansluiting met die Pretoriusstraat-vallei word
ondergrawe deur die oopheid van die straatplein en aantrede. Twee
toekennings vir die aanwending van betontegnologie is aan die
ontwerpers gemaak. Bron: Klaus Schütte, Samuel Pauw Argitekte.
ADRES Pretoriusstraat 137, h/v Schubart
ERFNOMMER Deel van 449 – 454 – Blok 6
HUIDIGE GEBRUIK Landroskantoor
12
Drieverdieping gebou met hofsale en gange om binnehowe. Na buite
'n eenvoudige blok onder kroonlys, en met sentrale portiek – 'n
pediment op gegroefde doriese kolomme – na Pretoriusstraat. 'n
Soortgelyke portiek is op die suidwestelike hoek en 'n gewelmuur
van dieselfde proporsies op die noordwestelike. Noord- en
wesfasades met marmer beklee, en buite 'n argitraafraam en
siermotief om 'n venstergroep is die oostekant van siersteen. Op die
gondvloer is geboë vensters en deure met gekerfde boligte; boonste
vloere met vierkantige houtrame waar-binne staalrame. Die gebou is
gelig op 'n plint en teruggeplaas vanaf die straathoek en 'n
staalprofielheining en nuwe sekuriteitsingang is later teen die
sypaadjie opgerig. Sonbeskerming van dieselfde materiaal as die
heining is ongelukkig teen die westelike fenestrasie aangebring.
Die ontwerp word toegesê aan FW Mullins van die DOW en is in
1942 voltooi. Die belang lê by die amptelike status van die gebou.
Bron: Brink Stokes Marais & Moolman, argitekte; Daneel Smit &
Vennote, argitekte; Walker (s.a.).
ADRES Pretoriusstraat 52, h/v Potgieter
ERFNOMMER 2982 – Blok 2
HUIDIGE GEBRUIK TOD-Streekkantoor, Noord-Transvaal
'n Reeks klaskamers, kantore, werkswinkel en saal om binnehowe
uitgelê en effe terug van die hoek geplaas. Klipplinte, siersteenmure
met uitgedrukte voeë, (nou) staalraamvensters en sinkdakke. Die
suidelike, enkelverdieping vleuels met kristallyndak om 'n leunstoep
te akkommodeer; 'n dubbelverdieping vleuel tussen binnehowe en
noord 'n ry werkswinkels.
Die hoeksteen lees “10 Augustus 1910, Departement Publieken
Werken Transvaal”. Die skool was eers bekend as De Westeind
School, later as Langenhoven Skool en Bellevue Spesiale Skool.
Daar was reeds sprake van sloping en onderhandelings is
aangeknoop met die Gereformeerde Kerk wat die terrein vir
parkering sou benut. Dié plan is egter nie tot uitvoer gebring nie. Ten
minste die suidelike en oudste deel behoort bewaar te word vanweë
kultuurhistoriese en argitektoniese belang. Die goeie toestand
daarvan verseker dat die gebou kommersieel herbruikbaar is, selfs
sou die huidige funksie verval. Bron: A Erasmus, Gereformeerde
Kerk; TOD, Noord-Transvaalse Streekkantoor.
ADRES Pretoriusstraat 29
ERFNOMMER 440 – Blok 8
HUIDIGE GEBRUIK Woonhuis