View/Open

4.5 VISAGIESTRAAT
Wanneer die middestad vanaf die spruit langs Visagiestraat teen die
lang helling na Paul Krugerstraat betree word is die sterkste
kenmerk die twee rye bome aan weerskante.
Geboue, veral aan die suidekant waar ook die spoorlyn loop, is laag
en feitlik onsigbaar agter die lanings. Tot by Schubartstraat word 'n
werklik menssensitiewe sypaadjieruimte tussen die hoë gebouwande
en die oorhangende takke van die jakarandas geskep. Oos
van Schubart verdwyn die intieme kwaliteit en is mens amper
weerloos tussen straatmure of heinings aan die een kant en die
besige verkeer aan die ander. By die stadsaal, waar moontlik meer
beskerming langs die hoër gebouwand by die aansluiting met Paul
Krugerstraat, is die bome groter en skerm weer die straatbedrywighede
van die sykante.
Die straat is vernoem na JH Visage (Visagie) – onder andere die
sekretaris van beide generaal Andries Pretorius en sy seun MW,
asook staatsekretaris en Volksraadslid. Hy was ook as
“bossiedokter” bekend. Bron: De Kock (1972).
ADRES Visagiestraat 192, h/v Paul Kruger
ERFNOMMERS 693/R. 693/1 en deel van 3101 – Blok 13
HUIDIGE GEBRUIK Land- on Landboubank van Suid-Afrika:
Hannes Smitgebou
20
Nege verdiepings hoog, teen die sypaadjie en geskei van die straat
deur die jakarandalaning. Die gebou is simmetries om die middel
waar die ingang onder en dienskamers en opsigterswoonstel bo die
swewende daklyn. Ook om die middellyn is 'n gepunte projeksie na
die noorde en suide. Gordynmure met horisontale vensterbande; die
struktuur daaragter is van buite leesbaar en loop voor die
teruggesette suidelike glaswand van die grondverdieping om die
gebou oënskynlik van die grond te lig. Noord lig soortgelyke piloti die
gebou bo parkeerplekke. 'n Vertikale band holblokke loop deur
stewige sandsteenmure op die ooste- en westekant. Soortgelyke
blokke loop oor die volle lengte van die atriums binne.
'n Gebou wat die strak straatwande van beide Visagie- en Paul
Krugerstraat begrens. Dit keer hom na eersgenoemde en maak 'n
plek op die straathoek waar Hennie Potgieter se bronsfigure “Die
Saaier en die Maaiar” op 'n voetstuk gelig is. Dit is die prominentste
van die geboue in Visagiestraat wat deelneem aan die definisie van
Pretoriusplein. Ontwerp deur Johan de Ridder en voltooi in 1966. Dit
het 'n deel van die ou hoekgebou wat ook die bank gehuisves het
vervang en is verbind met die Pretoria-tak van die bank (kyk Paul
Krugerstraat).
Die gebou dateer uit 'n tydperk van optimisme en vooruitgang toe
amptelike geboue in Pretoria die Moderne nagejaag het. Die
beginsels van funksionaliteit en ekspressie word nagevolg, maar
ding mee met formele simmetrie en plaaslike materiale wat, soos die
sandsteen, herinner aan die bank se band met grond en die
bewerkte landskap. Bron: Johan de Ridder, argitek; Land- en
Landboubank van Suid-Afrika.
ADRES Visagiestraat 180
ERFNOMMER 692 - Blok 13
HUIDIGE GEBRUIK Kantore: Adventiciagebou