MIV EN DIE ANTIRETROVIRALE MIDDELS - insightcpd.co.za

More documents

Recommendations

Info

1. INLEIDING Baie vordering is gemaak sedert zidovudien oorlewing voordele vir gevorderde menslike immuuntekort virus (MIV) aangetoon het in die laat 1980’s en sedert die koms van potente kombinasie antiretrovirale terapie in 1996. Daar is tans meer as 20 antiretrovirale middels wat formeel goedgekeur is vir die kliniese gebruik vir die behandeling van MIV infeksie. Nuwe middels bied unieke meganismes van werking, verbeterde potensie en aktiwiteit teen selfs multi-geneesmiddel weerstandige virusse, gemak van dosering en verbeterde verdraagbaarheid. Hierdie middels in kombinasie vorm die basis van HAART (hoogs aktiewe antiretrovirale terapie), wat gewoonlik eenvoudig na verwys word as antiretrovirale terapie of ART. MIV infeksie in mense is nou pandemies. Vanaf Januarie 2006 raam die Joint United Nations Programme on HIV/AIDS (UNAIDS) en die Wêreld Gesondheid Organisasie (WGO) dat VIGS meer as 25 miljoen mense doodgemaak het sedert dit die eerste keer op 1 Desember 1981 voorgekom het. Ongeveer 33 miljoen mense lewe tans met MIV, waarvan meer as 30 miljoen in lae en middel inkomste lande woon. Die Wêreld Gesondheid Organisasie raam dat ten minste 9.7 miljoen van hierdie mense antiretrovirale terapie benodig. Met ongeveer 5.5 miljoen mense wat met MIV leef, is Suid- Afrika die land met die grootste aantal infeksies in die wêreld (UNAIDS Fact Sheet 2007). Vroue word meer geaffekteer en verteenwoordig 61% van mense wat met MIV leef in die gebied. ’n Geraamde 1.8 miljoen mense het as gevolg van VIGS-verwante siektes in Suid-Afrika gesterf sedert die epidemie begin het (UNAIDS 2007 AIDS Epidemic Update). Suid-Afrikaanse data Alhoewel die opskaling van antiretrovirale terapie (ART) aansienlik uitgebrei is, word ART slegs in die gevorderde stadium van die sieke in Suid-Afrika begin en die sterfte koers bly hoog. Onlangse bevindings van ’n kliniese studie in Haiti verskaf beslissende bewyse dat MIV-positiewe individue in ontwikkelende lande ’n betekenisvolle beter kans op oorlewing het as antiretrovirale terapie vroeër begin word. Sommige deskundiges het egter geredeneer dat hierdie bevindings nie geëkstrapoleer kan word na hulpbron beperkte opsette nie, want dit was gebaseer op pasiënt verslae, eerder as ’n groot, ewekansige kliniese studie in ’n arm land. Dit word nou algemeen aanvaar dat alle volwassenes wat met MIV geïnfekteer is, ART vroeër behoort te begin d.i. teen CD4vlakke van < 350 selle/l en dat oorweging daaraan geskenk behoort te word om te begin teen vlakke van < 500 selle/l. Laasgenoemde is nog nie deel van internasionale riglyne nie, maar dit sal na verwagting in die nabye toekoms ingesluit word. Suid-Afrikaanse data Hersiene riglyne vir antiretrovirale terapie by volwassenes is deur die Suider-Afrikaanse MIV Klinici Vereniging in Januarie 2008 in die Southern African Journal of HIV Medicine gepubliseer en is bedoel as ’n gids tot kliniese terapie, gebaseer op deskundige konsensus en die beste huidige bewyse. In April 2009 het die Suider-Afrikaanse MIV Klinici Vereniging ’n bywerking in die Southern African Journal of HIV Medicine gepubliseer wat aanbeveel dat individue wat met MIV leef, vroeër met ART moet begin. Alhoewel hierdie nuwe riglyne deur vooraanstaande MIV spesialiste onderskrywe word, het dit geen direkte invloed op die nasionale ART program in Suid-Afrika nie. Die nasionale HAART riglyne vir antiretrovirale terapie in Suid-Afrika is tot op hede nog nie amptelik opgedateer nie. Aangesien die wetenskap aangaande die gebruik van ART vinnig verander en die beskikbaarheid van nuwe middels en nuwe kliniese data vinnig die terapeutiese opsies en voorkeure kan verander, is dit belangrik vir gesondheidsorg werkers om op datum te bly om goeie oordeel aan die dag te lê as besluite oor behandeling wat spesifiek vir unieke pasiënt omstandighede geld, gemaak moet word. Riglyne vir die behandeling van MIV geïnfekteerde kinders was in November 2005 in die Southern African Journal of HIV Medicine gepubliseer. Hierdie module fokus op antiretrovirale terapie vir volwassenes, maar sal sommige van die kwessies aangaande antiretrovirale gebruik by kinders aanspreek. Internasionale riglyne aangaande die begin van ART by kinders, beveel aan dat alle kinders wat positief toets vir die MIV infeksie tydens hulle eerste lewensjaar ARVs moet begin neem, ongeag van hulle CD4-vlak. By kinders tussen 1 en 5 jaar word terapie begin as hulle CD4% < 25% is, ongeag van die CD4 telling. Kinders ouer as 5 jaar begin met ART as hulle CD4-telling < 350 selle/l is. 2 September 2009
2. DOELWITTE VAN TERAPIE Strategieë vir die behandeling van MIV-infeksie het begin om te verander toe daar besef is dat : Virale replikasie vinnig voorkom gedurende die jare voor die ontwikkeling van die kliniese siekte. Virale replikasie is so vinnig dat die halfleeftyd van MIV in plasma bereken word as minder as 48 uur. Na raming is die daaglikse omset van virusse by ’n onbehandelde persoon 10 log d.i. (10) 10 000 000 000 virusse word daagliks geproduseer. Die mislukking van virale omgekeerde transkriptase om die oorspronklike RNS templaat perfek te repliseer (transkribeer) gee aanleiding tot konstante mutasies van die virale genoom. Dit dryf die verwante kwessie van virale weerstandigheid. Hoër virale ladings word met vinniger siekte vordering geassosieer. Hierdie waarnemings het belangrike implikasies vir antiretrovirale behandeling strategieë. ART word gebruik om virale onderdrukking te onderhou en om die voorkoms van virale weerstandigheid teenoor ARVs te voorkom. Hierdie behandeling strategieë verskaf kliniese voordeel en veelvuldige studies het aangetoon dat kombinasie antiretrovirale terapie die risiko van MIV siekte vordering tot sterfte, verminder. Uitwissing van MIV infeksie kan nie met beskikbare antiretrovirale behandeling programme verkry word nie. Die primêre doelwit van antiretrovirale terapie vir MIV infeksie is dus onderdrukking van virale replikasie. Die terapeutiese doelwit is om die virale lading so veel as moontlik te verlaag, onder ideale omstandighede na onopspoorbare vlakke, binne vier tot ses maande na aanvang van ’n nuwe behandeling program. Primêre doelwitte van ART is: Maksimale en bestendige onderdrukking van die virale lading Herstel en / of onderhoud van immunologiese funksie Vermindering van MIV verwante morbiditeit en mortaliteit Verbetering van lewenskwaliteit Die voorkoming van die infeksie tydens die kinderjare d.i. vertikale # MIV oordrag Die verskaffing van na-blootstelling profilakse #vertikale oordrag – moeder-tot-kind 3. MIV - DIE VIRUS TEENOOR DIE ANTIRETROVIRALE MIDDELS Daar bestaan twee bekende stamme van MIV: MIV-1 en MIV- 2 en elk is saamgestel uit veelvuldige subtipes. MIV-1 is die virus wat aanvanklik ontdek was. Dit is meer virulent, word relatief maklik oorgedra en is die oorsaak van die meerderheid van MIV infeksies wêreldwyd. MIV-2 word nie so maklik oorgedra nie en is hoofsaaklik tot Wes-Afrika beperk.* *Dit is belangrik om te onthou dat MIV-2 stamme weerstandig teenoor NNOTIs is en hierdie klas ARVs word nie aanbeveel vir pasiënte wat met hierdie stamme geïnfekteer is nie. 3.1 Wat is ’n retrovirus? ’n Virus is ’n oneindig klein verpligte intrasellulêre parasiet wat uit DNS of RNS bestaan, wat die gasheer sel gebruik vir sy eie metaboliese en reproduktiewe behoeftes. MIV is ’n ronde, RNS virus met net nege gene. Dit is totaal afhanklik van die gasheer, die mens, om te oorleef. MIV is ’n retrovirus van die Retroviridae familie, Lentivirus genus. Retrovirusse word so genoem omdat hulle genome ’n ongewone ensiem, genaamd omgekeerde transkriptase, enkodeer wat toelaat dat DNS uit RNS gemaak (transkribeer) word. In die natuur kom die teenoorgestelde gewoonlik voor, want DNS maak gewoonlik RNS. 3.2 Die MIV lewensiklus Die genetiese materiaal van MIV (die virale RNS) word binne ’n kern (of matriks) proteïen gehuisves wat ook deur ’n buitenste omhulsel bedek word. Talle, klein glukoproteïen arms projekteer na buite vanuit die omhulsel, die virus se sogenaamde aanhegting proteïene. Die virus word aan sekere teiken selle in die menslike liggaam aangeheg, bv. makrofage en T-helper limfosiete # (ook CD4 of T-selle genoem) aangesien die oppervlakte van hierdie selle die virus met ’n manier om aan te heg en in te val, voorsien. Die virale aanhegting proteïene bind aan reseptore op die oppervlak van hierdie selle. Die hoof sellulêre reseptor word die CD4 reseptor genoem. Sy funksie word deur ’n ander reseptor of ‘ko-reseptor’ aangevul wat langs dit op die sel membraan geleë is. Twee van hierdie ko-reseptore is van spesiale belang, die CCR5 en die CXCR4 reseptore. Makrofage wat die CD4 en die CCR5 reseptore het kom volop in genitale weefsel voor (die vagina en die voorhuid). Baie limfosiete het ook hierdie twee reseptore. Die virus wat gewoonlik die meeste mense infekteer, gebruik verkieslik hierdie selle. Hierdie virusse word R5 MIV virusse genoem. ’n Aantal jare na die infeksie, verander die MIV virus sodat dit addisionele CD4 selle kan binnedring – limfosiete wat ’n ander ko-reseptor het d.i. CXCR4. Hierdie virusse word X4 MIV virusse genoem. Hulle blyk om meer skadelik vir die menslike gasheer te wees en word met ’n vinniger vordering van die infeksie geassosieer. Die nuwe antiretrovirale middels teiken hierdie stadia van virale indringing en fusie. Nadat die virus aan die CD4 / ko-reseptor kompleks vasgeheg het, smelt die virus omhulsel saam met die sel en die virale inhoud word in die sitoplasma ingespuit. Dit veroorsaak dat die virale RNS en die ensieme wat benodig word vir virale reproduksie (d.i. omgekeerde transkriptase, protease en integrase ensieme) in die sitoplasma vrygestel word. Hier word ’n identiese DNS kopie van die oorspronklike RNS virus string geskep deur die omgekeerde transkriptase ensiem. Hierdie proses word omgekeerde transkripsie genoem. 3 September 2009
Page 1: 2009 MODULE 4 MIV EN DIE ANTIRETROV
Page 5 and 6: Figuur 3. Stadia van die MIV lewens
Page 7 and 8: Tabel 3. Klasse van ARVs en hulle m
Page 9 and 10: Geneesmiddel interaksies NOTIs word
Page 11 and 12: Tabel 5. Antiretrovirale middels be
Page 13 and 14: Antiretrovirale Doseervorm Volwasse
Page 15 and 16: selle/l dra die risiko van die begi
Page 17 and 18: 6.1 Verkose eerste-linie behandelin
Page 19 and 20: Virale lading teikens vir suksesvol
Page 21 and 22: Tabel 8 Tekens en simptome van alge
Page 23 and 24: Newe- ARV Aanvang & kliniese Risiko
Page 25 and 26: Newe- ARV Aanvang & kliniese Risiko
Page 27 and 28: Aangesien asimptomatiese verhoogde
Page 29 and 30: Tabel 12. Geneesmiddel vervanging a
Page 31 and 32: Dit is as gevolg hiervan dat klinic
Page 33 and 34: Nevirapien gebaseerde ART is die ve
Page 35 and 36: Die benadering tot beroep-, seksuel

MIV EN DIE ANTIRETROVIRALE MIDDELS - insightcpd.co.za

You also want an ePaper? Increase the reach of your titles

Delete template?

Save as template?