MIV EN DIE ANTIRETROVIRALE MIDDELS - insightcpd.co.za

Nota: Alhoewel internasionale riglyne twee of drie middels
aanbeveel gebaseer op die dokter se beoordeling van die
risiko, beveel die SA MIV Klinici Vereniging aan dat drie
middels in alle situasies gebruik behoort te word. Dit is omdat
die suidelike Afrika gebied een van uitermate hoë MIV voorkoms
met ’n groot aantal blootstellings, is.
13. SAMEVATTING
Ten spyte van aanhoudende ingrype om veiliger seksuele
gedrag aan te moedig, is die voorkoms van MIV hoog en styg
dit steeds in baie dele van die wêreld. Alhoewel aansienlike
vordering gemaak is om ART opskaal terapie ’n realiteit te
maak in die ontwikkelende wêreld, is daar nog baie wat
gedoen moet word. Gesondheidsorg werkers behoort te poog
om die voordele van ART bestendig en volhoubaar te maak vir
mense wat ART neem. Vir mense wat nog nie behandeling
neem nie, maar terapie benodig, behoort hulpbronne
gemobiliseer te word en sisteme in plek geplaas te word om
hulle te bereik.
MIV sorg is baie kompleks en verander vinnig. Betekenisvolle
vordering op die gebied van ART is al gemaak. MIV infeksie
behoort as ’n chroniese siekte behandel te word by pasiënte
wat toegang tot medikasie het en wat volhoubare virologiese
onderdrukking met terapie bereik. Verskeie nuwe ARVs is
bekend gestel en verskaf effektiewe behandeling opsies vir
behandeling naïef pasiënte en dié wat reeds op behandeling
is. Weerstandigheid, newe-effekte, swangerskap en ko-infeksie
met TB of HBV bied belangrike uitdagings tydens die
aanvanklike keuse van terapie. Riglyne behoort die beginpunt
van mediese besluitneming te wees.
Daar is onmiddellike behoeftes op die gebied van diagnostiese
middele. Die geredelike beskikbaar stelling van bekostigbare
en akkurate CD4 sel tellings is ’n hoë prioriteit. Op dieselfde tyd
behoort die veld te beweeg in die rigting van die ontwikkeling
en implementering van bekostigbare toetsing van die virale
lading. CD4 en virale lading toetsing is belangrike hulpmiddels
wat die lewering van optimale sorg ondersteun en in die opset
van die publieke gesondheidsorg benadering, onskatbare
maatreëls van program monitering en prestasie is.
Onlangse publikasies deur die WGO wetenskaplikes in 2008
het die uitgebreide gebruik van ART voorgestel as ’n manier
om die verspreiding van MIV te beperk. In die ernstige MIV
epidemie van suider Afrika, kan die universele vrywillige MIV
toetsing op ’n jaarlikse basis gevolg deur onmiddellike ART
behandeling, die MIV voorkoms met ongeveer 95% binne ’n
dekade verlaag, met koste besparings oor die medium termyn.
Hierdie voorstelle is op ’n wiskundige model gebaseer, maar
die kwessies aangaande die stigma wat met MIV infeksie
geassosieer word, sal ook aangespreek moet word om
sodoende vrywillige MIV toetsing aan te moedig.
Nieteenstaande is wydverspreide vroeë behandeling van MIV
’n interessante oorweging, want dit teiken die virale lading, die
hoof risiko faktor wat met oordrag en siekte vordering
geassosieer word.
Die ontwikkeling van ’n effektiewe entstof sal nog ’n tydperk
duur, maar vroeë studies is tans in Suid-Afrika aan die gang.
Die apteker speel ’n belangrike opvoeding en ondersteunende
rol tydens die voorkoming en behandeling van MIV. Berading
van pasiënte oor die newe-effekte wat verwag kan word,
behandeling van hierdie newe-effekte indien toepaslik, of die
verwysing van pasiënte vir verdere mediese sorg, is rolle wat
maklik deur die apteker gevul kan word. Aptekers kan pasiënte
met MIV infeksie en versorgers verwys na die MIV / VIGS
Hulplyn soos volg:
0800 012 322 (Departement van Gesondheid)
ARV afkortings:
Afkorting Generiese naam Voorbeeld van
Handelsnaam
3TC Lamivudien 3TC ®
ABC Abacavir Ziagen ®
ATV Atazanavir Reyataz ®
AZT Zidovudien Retrovir ®
d4T Stavudien Zerit ®
ddI Didanosien Videx ®
DRV Darunavir Prezista ®
EFV Efavirenz Stocrin ®
FPV Fosamprenavir Telzir ®
FTC Emtricitabien Emtriva ®
IDV Indinavir Crixivan ®
LPV/r Lopinavir versterk Kaletra ®
met lae dosis
ritonavir
NFV Nelfinavir Viracept ®
NVP Nevirapien Viramune ®
RTV Ritonavir Norvir ®
SQV Saquinavir Invi-Rase ®
TPV Tipranavir Aptivus ®
ZDV Zidovudien Retrovir ®
Verwysings beskikbaar op aanvraag
Saamgestel deur Insight Medicine Management namens die Alpha Pharm Voortgesette Onderrigprogram
Posbus 218, Cramerview, 2060, Suid-Afrika
Kopiereg© 2009
Direkteur van Voortgesette Onderrig: Geraldine Bartlett M. Pharm (cum laude) F.P.S.
VPO Bestuurder: Glynis van der Watt Dip. Pharm. M.P.S.
Tel: (011) 706-6939
Gepubliseer deur Bookpress (011) 493-8522
36 September 2009