MIV EN DIE ANTIRETROVIRALE MIDDELS - insightcpd.co.za

CD4 vlakke en % by kinders – Alle kinders moet ART
begin neem, ongeag van die kliniese stadium of CD4 vlak
of % indien hulle die infeksie gedurende hulle eerste
lewensjaar opdoen. MIV toetsing word gedoen deur middel
van ’n virale lading (PCR) toets 6 weke na geboorte.
Tussen die ouderdomme van 1-5 is ’n CD4% van 500-600 selle/l
Ligte simptome 350-500 selle/l
Ernstige simptome & 200-350 selle/l
opportunistiese siektes
VIGS 500selle/l bly.
Reeks tellings oor ’n tydperk is belangrik. CD4 tellings
behoort elke 3-4-6 maande bepaal te word, beide voordat
ART begin word en gedurende die opvolg besoeke, d.i.
beoordeling van die respons teenoor ARVs. Die CD4 vlak
is ook nodig om te bepaal wanneer geneesmiddels vir die
profilakse van opportunistiese infeksies begin of gestaak
behoort te word.
CD4 tellings kan tydelik daal tydens swangerskap,
gedurende infeksies bv. griep, brongitis, TB of tydens
ander sistemiese toestande en wanneer verskeie middels
soos alkohol, kortikosteroïede, kanker middels, kruie soos
die Afrika aartappel (bv. Moducare ® ) en selfs middels vir
die behandeling van MIV en die verwante opportunistiese
infeksies (bv. zidovudien, stavudien, gansiklovir,
rifampisien) gebruik word.
Die CD4 telling daal gewoonlik progressief met die verloop
van tyd. ’n Vinnig dalende CD4 telling dui op ’n meer
aggressiewe siekte proses of soms op die aanvang van ’n
betekenisvolle opportunistiese infeksie, bv. TB of ’n tumor
bv. limfoom.
3.3.2 MIV virale lading
Die MIV virale lading verwys na die vlak van MIV – die aantal
virus deeltjies/kopieë per ml in die bloedstroom. Dit is die
betroubaarste aanduiding van MIV vordering en van respons
teenoor ART. Hoë virale ladings word met siekte vordering en
korter oorlewing verbind. Virale ladings wat onbepaalbaar is
d.i. 50 kopieë/ml, dui op goeie virus beheer en stem ooreen
met langtermyn oorlewing. Die virale lading is ook ’n voorspeller
van CD4 respons: Hoë of onbeheerde virale ladings gee
aanleiding tot die verlies van CD4 selle. Goed beheerde virus
vlakke d.i. op volledig onderdrukkende ART, verhoog gewoonlik
die CD4 telling met ongeveer 100 selle in die eerste jaar van
behandeling en met 50 of meer selle elke jaar daarna vir
ongeveer 4-6 jaar.
Die virale lading is sonder uitsondering hoog kort (7-10 dae) na
infeksie met MIV. Dit is as gevolg van die vinnige
vermenigvuldiging van die virus na die aanvanklike infeksie.
Soos die liggaam poog om die virus te beheer, d.i. produksie
van teenliggame en ’n sellulêre immuniteit teen MIV, word die
virus vlak gewoonlik verlaag tot ’n laer, sogenaamde ‘setpunt’
(gewoonlik binne 3-6 maande na die aanvang van die infeksie).
Hierdie laasgenoemde setpunt kan vir ’n aantal jare bly, of
totdat immuun agteruitgang sodanig is dat die virus weer
ongehinderd kan vermenigvuldig. ’n Stygende virale lading
laat tydens MIV infeksie dui dikwels op vooruitgang van die
siekte, nabye immuun mislukking en die aanvang van VIGS.
Terwyl die virale lading hoog is, vroeg en laat in die verloop van
die infeksie, is pasiënte hoogs aansteeklik teenoor hulle
seksuele metgeselle en behoort gewaarsku te word om alles
te doen wat hulle kan om oordrag te verhoed: veilige seks,
kondome, onthouding ens.
Belangrike punte oor die virale lading:-
’n Individu met MIV kan ’n virale lading hê wat wissel van
onwaarneembaar (