Geestelike voedsel
Geestelike voedsel
Geestelike voedsel
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Oordenking<br />
Dr.Kobus Victor<br />
<strong>Geestelike</strong> <strong>voedsel</strong><br />
Die bekende Amerikaanse prediker en skrywer, Max Lucado, het die volgende oor<br />
die eietydse Christendom gesê: A church will never die from the immorality in<br />
Hollywood or the corruption in Washington. But it will die from corrosion within -<br />
from those who bear the name of Jesus but have never met Him and from those<br />
who have religion but no relationship.<br />
Wat hy eintlik sê, is dat baie mense nie integriteit het nie. Want hierdie woord<br />
beteken (afgelei van integreer) dat ‗n mens se bedoelings en dade met mekaar<br />
ooreen moet stem. Of die Engelse spreekwoord vat dit ook mooi saam: Practice<br />
what you preach. Jesus sê in sy bekende bergpreek (Matt 7:24): Elkeen dan wat<br />
hierdie woorde van My hoor en daarvolgens handel, kan vergelyk word met „n<br />
verstandige man.<br />
Maar wat gebeur in praktyk? Ons roem ons daarop dat meer as 70% van die<br />
inwoners sê dat hulle Christene is. Maar hoe kan ‗n mens dit rym met die hoë<br />
misdaadsyfer; die toename in bedrog; die korrupsie wat soos ‗n kanker besig is<br />
om ons land te verwoes; wetteloosheid en disrespek vir die gesag en die reg; die<br />
oplaaiende spanning as gevolg van rassisme en vooroordeel? Maar pasop om te<br />
sê: Ja, dit is hulle! Wie is daardie hulle? Voordat jy dit doen, steek eers jou hand in<br />
eie boesem. Is jou hande skoon? Hou jy by die verkeersreëls of steel jy ook maar<br />
‗n paar kilometer oor die spoedgrens? Is jy eerlik met jou opgawe vir die<br />
ontvanger? Sal jy na jou naaste wat vir jou kwaad is gaan om vrede te gaan maak<br />
en versoening te bewerk?<br />
Integriteit is wanneer ‗n Christen se belydenis en sy lewe met mekaar<br />
ooreenstem. Jy het integriteit wanneer daar geen verskil is tussen jou geloof en<br />
jou dade nie.<br />
Ons het weer mense nodig wat nie maar net godsdienstig is nie, maar wat in ‗n<br />
lewende verhouding met Jesus Christus leef. Mense wat elke dag – oral en altyd –<br />
sal vra: Here, lei U my. Leer my om so te lewe dat ek ‗n mens van integriteit sal<br />
wees.<br />
WAAROOR VIER ONS FEES ?<br />
Kerstyd is adventstyd. Wat op dees aarde, mag verál ons kinders vra, beteken dit?<br />
Advent is ‗n Latynse woord wat aankoms beteken, en word in die kerk gebruik om<br />
die vier weke voor Kersfees ons te herinner aan die koms van Jesus Christus na<br />
die wêreld. Hierdie wêreld, wat die Here God mooi gemaak het, maar deur die<br />
mensdom verwoes word. Sodat dit soms nogal regtig soos ‗n slagveld lyk. En jou<br />
partykeer in die hart laat skreeu: Sal dit dan nooit ophou nie?<br />
Maar het Advent en Kersfees dan nog betekenis vir ons wêreld? Ja sekerlik! Want<br />
God het steeds Sy wêreld lief! Soos Hy dit só liefgehad het dat Hy Sy Seun gestuur<br />
het… Hierdie stukkend-gebreekte skepping van Hom, het mos Sy hart aangeraak.<br />
Daarom hét God iets daaraan gedoen; Sy heelmaak-werk laat kom; op ‗n skoon<br />
nag, bietjie meer as tweeduisend jaar gelede, Sy Seun laat aankom; tuiskom -<br />
waar? Binne-in hierdie verwarde wêreld. God se goedheid het ‗n Naam en Adres<br />
gekry daardie nag toe Jesus gebore is in Betlehem in Judea. Hy het God se pad<br />
van liefde kom bou aarde toe. God se aarde, wat Hý besluit het om heel te maak.<br />
In Betlehem-Judea, in Namakwaland-NoordKaap. Want Jesus Christus is gister en<br />
vandag en vir altyd dieselfde.<br />
Advent beteken ten diepste dat Christus met Sy verlossing in ons harte aankom en<br />
intrek neem. Soos die groot kerk Hervormer Martin Luther gesê het: ―Al is Christus<br />
‗n duisend maal in Betlehem gebore en nog nie in jou hart nie, het Kersfees vir jou<br />
geen betekenis nie.‖ Dié mens wat Advent in die hart aanvaar, ervaar Kersfees as<br />
‗n blywende fees wat altyd gevier word. ‗n Fees van liefde en vreugde, van vrede<br />
en geduld, vriendelikheid en goedheid en getrouheid, nederigheid en<br />
selfbeheersing (Gal 5:22). Want in só ‗n mens is die Gees van Christus lewend<br />
teenwoordig.<br />
Daarom is Kersfees eintlik ‗n hemelse fees, wat hiér op aarde gevier word. Iets van<br />
die nuutgemaakte, wat hier in stukkende hartseer gevier word. Blydskap oor ‗n<br />
helder Lig wat skyn in die duisternis, ―en die duisternis kon dit nie uitdoof nie‖ (Joh<br />
1:5).<br />
Kom ons bedoel dit wanneer Lied 353 gesing word:<br />
Die Lig kom na die wêreld in Jesus Christus, Heer.<br />
Uit liefde vir die mensdom daal Hy as dienskneg neer.<br />
So lief het God die wêreld, Hy gee vir ons Sy Seun -<br />
Só word Hy ons Verlosser, ons Middelaar en Steun.<br />
(Ds Willie Badenhorst, NG Kerk Port Nolloth)<br />
“Sê nou ... ek gaan nie hemel<br />
toe nie ...”<br />
“Ek‟s so bang ek gaan nie hemel toe nie”, skryf ‗n leser ‗n<br />
tyd gelede. “Ek ken al die Skrifwaarhede, maar ek<br />
weet ook hoeveel keer ek nié binne God se wil leef nie.<br />
En dan is daar tye wat ek regtig ver van die Here af voel<br />
... sulke tye is ek bang dat Hy my dalk al afgeskryf het ...”<br />
As jy ook soms twyfel waar jy die ewigheid gaan<br />
deurbring, kan jy gerus weer Romeine 3:19-31 lees.<br />
Daar sê Paulus vir ons:<br />
Ons álmal, die wat regtig naby aan die Here leef<br />
sowel as ons wat soms ver van Hom af<br />
wegdwaal, staan ewe skuldig voor ons God. Ja,<br />
elkeen van ons is ‗n sondaar. (19, 23)<br />
Juis omdat ons almal so feilbaar is en<br />
hoegenaamd nie God se wet kan onderhou nie,<br />
het die Vader sy Seun as Offerlam gestuur om<br />
ons van ál ons sondes te verlos. Ook van<br />
daardie dinge waarvan niemand weet nie! (24,<br />
25)<br />
As ons in Christus glo, tel ons verkeerde dade<br />
glad nie meer nie, want dan skuif dit as‘t ware<br />
oor na Hom toe. Dan neem Hy ons sondes op<br />
Hom en betaal sy bloed daarvoor. (25, 26)<br />
Ons — ek en jy — kán hoegenaamd nie op ons<br />
eie in die hemel kom nie. Al probeer ons hóé<br />
hard om die regte dinge te doen. Ons kan slegs<br />
gered word omdat Hý vir ons doen wat Hy doen<br />
... omdat Hy namens ons vir ons sondes betaal.<br />
(27)<br />
Hoor jy dit? En het jy al hierdie bekende<br />
evangelieboodskap van jou ore na jou hart toe laat vloei?<br />
Régtig verstaan dat, as jy Christus as jou Verlosser<br />
aangeneem het, jy wél van ál jou sondes verlos word ...<br />
dag na dag? En dat jy as sy kind daarom beslis eendag<br />
by Hom sal wees? Dat jy nóú reeds die ewigheid in jou<br />
hart het?<br />
My antwoord aan jou, liewe leser is: As jy gekies het om<br />
Christus se uitnodiging te aanvaar en vir Hom gesê het:<br />
“Ja, U is mý Here en mý God”, dan sal jy eendag in die<br />
hemel wees. Dan ís jy gered. Vir altyd.<br />
Moenie toelaat dat Satan of enige iemand anders jou aan<br />
jou kindskap laat twyfel nie. Hou vas aan die beloftes van<br />
die Woord en luister na die gerusstellende fluistering van<br />
die Heilige Gees in jou. Dis Hy wat saam met die Woord<br />
vir jou sal sê: “Jy ís my kind. Want my genade is vir jou<br />
genoeg.”<br />
2<br />
2<br />
2