Geestelike voedsel

More documents

Recommendations

Info

Oordenking Dr.Kobus Victor <strong>Geestelike</strong> <strong>voedsel</strong> Die bekende Amerikaanse prediker en skrywer, Max Lucado, het die volgende oor die eietydse Christendom gesê: A church will never die from the immorality in Hollywood or the corruption in Washington. But it will die from corrosion within - from those who bear the name of Jesus but have never met Him and from those who have religion but no relationship. Wat hy eintlik sê, is dat baie mense nie integriteit het nie. Want hierdie woord beteken (afgelei van integreer) dat ‗n mens se bedoelings en dade met mekaar ooreen moet stem. Of die Engelse spreekwoord vat dit ook mooi saam: Practice what you preach. Jesus sê in sy bekende bergpreek (Matt 7:24): Elkeen dan wat hierdie woorde van My hoor en daarvolgens handel, kan vergelyk word met „n verstandige man. Maar wat gebeur in praktyk? Ons roem ons daarop dat meer as 70% van die inwoners sê dat hulle Christene is. Maar hoe kan ‗n mens dit rym met die hoë misdaadsyfer; die toename in bedrog; die korrupsie wat soos ‗n kanker besig is om ons land te verwoes; wetteloosheid en disrespek vir die gesag en die reg; die oplaaiende spanning as gevolg van rassisme en vooroordeel? Maar pasop om te sê: Ja, dit is hulle! Wie is daardie hulle? Voordat jy dit doen, steek eers jou hand in eie boesem. Is jou hande skoon? Hou jy by die verkeersreëls of steel jy ook maar ‗n paar kilometer oor die spoedgrens? Is jy eerlik met jou opgawe vir die ontvanger? Sal jy na jou naaste wat vir jou kwaad is gaan om vrede te gaan maak en versoening te bewerk? Integriteit is wanneer ‗n Christen se belydenis en sy lewe met mekaar ooreenstem. Jy het integriteit wanneer daar geen verskil is tussen jou geloof en jou dade nie. Ons het weer mense nodig wat nie maar net godsdienstig is nie, maar wat in ‗n lewende verhouding met Jesus Christus leef. Mense wat elke dag – oral en altyd – sal vra: Here, lei U my. Leer my om so te lewe dat ek ‗n mens van integriteit sal wees. WAAROOR VIER ONS FEES ? Kerstyd is adventstyd. Wat op dees aarde, mag verál ons kinders vra, beteken dit? Advent is ‗n Latynse woord wat aankoms beteken, en word in die kerk gebruik om die vier weke voor Kersfees ons te herinner aan die koms van Jesus Christus na die wêreld. Hierdie wêreld, wat die Here God mooi gemaak het, maar deur die mensdom verwoes word. Sodat dit soms nogal regtig soos ‗n slagveld lyk. En jou partykeer in die hart laat skreeu: Sal dit dan nooit ophou nie? Maar het Advent en Kersfees dan nog betekenis vir ons wêreld? Ja sekerlik! Want God het steeds Sy wêreld lief! Soos Hy dit só liefgehad het dat Hy Sy Seun gestuur het… Hierdie stukkend-gebreekte skepping van Hom, het mos Sy hart aangeraak. Daarom hét God iets daaraan gedoen; Sy heelmaak-werk laat kom; op ‗n skoon nag, bietjie meer as tweeduisend jaar gelede, Sy Seun laat aankom; tuiskom - waar? Binne-in hierdie verwarde wêreld. God se goedheid het ‗n Naam en Adres gekry daardie nag toe Jesus gebore is in Betlehem in Judea. Hy het God se pad van liefde kom bou aarde toe. God se aarde, wat Hý besluit het om heel te maak. In Betlehem-Judea, in Namakwaland-NoordKaap. Want Jesus Christus is gister en vandag en vir altyd dieselfde. Advent beteken ten diepste dat Christus met Sy verlossing in ons harte aankom en intrek neem. Soos die groot kerk Hervormer Martin Luther gesê het: ―Al is Christus ‗n duisend maal in Betlehem gebore en nog nie in jou hart nie, het Kersfees vir jou geen betekenis nie.‖ Dié mens wat Advent in die hart aanvaar, ervaar Kersfees as ‗n blywende fees wat altyd gevier word. ‗n Fees van liefde en vreugde, van vrede en geduld, vriendelikheid en goedheid en getrouheid, nederigheid en selfbeheersing (Gal 5:22). Want in só ‗n mens is die Gees van Christus lewend teenwoordig. Daarom is Kersfees eintlik ‗n hemelse fees, wat hiér op aarde gevier word. Iets van die nuutgemaakte, wat hier in stukkende hartseer gevier word. Blydskap oor ‗n helder Lig wat skyn in die duisternis, ―en die duisternis kon dit nie uitdoof nie‖ (Joh 1:5). Kom ons bedoel dit wanneer Lied 353 gesing word: Die Lig kom na die wêreld in Jesus Christus, Heer. Uit liefde vir die mensdom daal Hy as dienskneg neer. So lief het God die wêreld, Hy gee vir ons Sy Seun - Só word Hy ons Verlosser, ons Middelaar en Steun. (Ds Willie Badenhorst, NG Kerk Port Nolloth) “Sê nou ... ek gaan nie hemel toe nie ...” “Ek‟s so bang ek gaan nie hemel toe nie”, skryf ‗n leser ‗n tyd gelede. “Ek ken al die Skrifwaarhede, maar ek weet ook hoeveel keer ek nié binne God se wil leef nie. En dan is daar tye wat ek regtig ver van die Here af voel ... sulke tye is ek bang dat Hy my dalk al afgeskryf het ...” As jy ook soms twyfel waar jy die ewigheid gaan deurbring, kan jy gerus weer Romeine 3:19-31 lees. Daar sê Paulus vir ons: Ons álmal, die wat regtig naby aan die Here leef sowel as ons wat soms ver van Hom af wegdwaal, staan ewe skuldig voor ons God. Ja, elkeen van ons is ‗n sondaar. (19, 23) Juis omdat ons almal so feilbaar is en hoegenaamd nie God se wet kan onderhou nie, het die Vader sy Seun as Offerlam gestuur om ons van ál ons sondes te verlos. Ook van daardie dinge waarvan niemand weet nie! (24, 25) As ons in Christus glo, tel ons verkeerde dade glad nie meer nie, want dan skuif dit as‘t ware oor na Hom toe. Dan neem Hy ons sondes op Hom en betaal sy bloed daarvoor. (25, 26) Ons — ek en jy — kán hoegenaamd nie op ons eie in die hemel kom nie. Al probeer ons hóé hard om die regte dinge te doen. Ons kan slegs gered word omdat Hý vir ons doen wat Hy doen ... omdat Hy namens ons vir ons sondes betaal. (27) Hoor jy dit? En het jy al hierdie bekende evangelieboodskap van jou ore na jou hart toe laat vloei? Régtig verstaan dat, as jy Christus as jou Verlosser aangeneem het, jy wél van ál jou sondes verlos word ... dag na dag? En dat jy as sy kind daarom beslis eendag by Hom sal wees? Dat jy nóú reeds die ewigheid in jou hart het? My antwoord aan jou, liewe leser is: As jy gekies het om Christus se uitnodiging te aanvaar en vir Hom gesê het: “Ja, U is mý Here en mý God”, dan sal jy eendag in die hemel wees. Dan ís jy gered. Vir altyd. Moenie toelaat dat Satan of enige iemand anders jou aan jou kindskap laat twyfel nie. Hou vas aan die beloftes van die Woord en luister na die gerusstellende fluistering van die Heilige Gees in jou. Dis Hy wat saam met die Woord vir jou sal sê: “Jy ís my kind. Want my genade is vir jou genoeg.” 2 2 2
Algemene Pitkos Karretjie-mense van die Karoo Kaapstad – Die verhaal van die karretjie-mense van die Karoo, wat al die jare verkeerd as bruin geklassifiseer is, is nou danksy die genetika vertel. Die karretjie-mense is aan moederskant 100% afkomstig van die Khoe en San, ‘n feit waarvan hulle bewus was, hoewel hulle nie amptelik as sodanig erken word nie. Dié werk is gedoen onder leiding van Suid-Afrika se voorste bevolkingsgenetikus, Himla Soodyall, direkteur van die eenheid vir menslike genomiese diversiteit en siektenavorsing aan die Universiteit van die Witwatersrand, asook deur Mike de Jongh, Unisa-antropoloog, en Carina Schlebusch van die Uppsala-universiteit in Swede. De Jongh het gesê die karretjie-mense verwys nog altyd na hulself as ―die geel mense‖ en beskou hulself as ―anders‖. Dit is nou bewys deur die genetiese toetse wat merkers van oerherkoms in bevolkingsgroepe toon. Aan vaderskant (Y-chromosome) is hul herkoms meer uiteenlopend, wat ooreenstem met die geskiedenis, sê Schlebusch. Dit wys ‘n mengsel van Y-chromosome, wat eie is aan verdrukte of misplaaste groepe. Die invloed van vaderskant is Xhosa (63%), wit setlaars (26%) en die res is van die San. Wat in die verlede met hulle gebeur het – die vroue wat op koloniale plase gedwing is en die latere betrokkenheid van die Xhosa – het dus ‘n onuitwisbare rekord gelaat van hoeveel die mans tot hul eie nasate bygedra het. Maar selfs ná 1994 word die karretjie-mense, weens die vooroordele van die vorige stelsel, as bruin geklassifiseer, luidens die navorsing in die Journal of Human Genetics. De Jongh het gesê die resultate kan nie aan die karretjie-mense hul eertydse identiteit of erfenis teruggee nie. ―Hulle moet self besluit wat om daarmee te maak. Hulle is nie polities georganiseerd nie. Die paar honderd wat oor is, kom wyd verspreid en sonder ‘n leierskorps voor. Selfs met verskeie geletterdheidsprojekte waarby ek betrokke is, bly die meeste ongeletterd,‖ het hy gesê. Hulle is nog met elke sensus ―misgetel‖ en bly vir die regering ―onsigbaar‖. Karretjie people is nou in die Oxford-woordeboek opgeneem. Gatiep en Maraai staan wag vir die bus. „n Trok kom verby, gelaai met rolle gras. Maraai: Sie djy – dis hoe ryk mêse lief! Gatiep: Hoe lief halli? Maraai: Halli stie halli lawns weg om gasny te word! The wishbone will never replace the backbone. FEITE WAT MIN MENSE WEET Hierdie is net ‗n versameling van besondere feite. • Kaas is een van die belangrikste kossoorte wat daar is. Dit bevat proteïn wat natuurlik belangrik is vir liggaamsbou. Dit bevat ook baie vitamien B2 wat die oog en velweefsels gesond hou. Die kalsuim in die kaas is natuurlik belangrik vir die bou van beenweefsel. Een stukkie kaas van 2.5 kubieke cm is gelykstaande aan een glas melk. • Roomys kom al ‗n lang pad saam met die mensdom. Die geskiedenis van roomys reik al sover terug na die tyd van Karel die Grote. Roomys was baie gewild onder die adelstand en hulle het hul geld en mag gebruik om die resep van roomys geheim te hou. • Jogurt kan gebruik word om suurroom te vervang in resepte. Jogurt is nie so ryk soos room nie. Gebruik liewers die ongegeurde jogurt. • Het jy al suurroom in ‗n gereg gebruik en dit het geflop? Voeg die suurroom by wanneer die sous of gereg reeds gaar is. Roer een lepel suurroom by, roer deeglik en voeg die volgende lepel suurroom by. Moet ook nie die gereg of sous laat kook sodra die room in is nie. • Gooi ‗n lepel asyn in die water waarin die eiers kook. As die eier kraak sal die asyn in die water verhoed dat die eierwit uitloop. • Bombay Duck is een of ander eendgereg. Nee Bombay Duck is gedroogde vis wat aaklig ruik, maar as dit gekook word verdwyn die reuk. Die vis kan ook in die oond gerooster word totdat dit bros is. Die bros vis kan dan gekrummel word en oor kerrie gegooi word. • ‗n Baie innoverende manier om botter of margarien mee af te meet is om as die resep ‗n ¼ koppie botter vra, maak die maatkoppie vol tot op ¾. Skep dan die botter of margarien in die koppie tot die koppie vol is. Gooi die water uit en siedaar het jy ‗n ¼ koppie margarien. • As daar nie suurroom beskikbaar is nie, maar wel room, voeg een lepel asyn by vir elke 250 ml room. Roer deeglik en siedaar ,jy suurroom. • Bloukaas is nie vir almal ewe lekker nie. Waar kom die kaas vandaan? Bloukaas word gevorm deur spore van Penicillium roqueforti. In vroeë tye is kaas in grotte geberg. In die grotte was daar van die penisillin teenwoordig. Dit het dan die kaas se smaak verander. Deesdae word die penisillinspore sommer by die kaas gevoeg. • Granadillas, of te wel "Passion fruit", ruik nie net lekker nie, maar is net so heerlik om te eet. Granadillas is ‗n goeie bron van vitamiene A en C en dit bevat slegs 16 kalorieë. Die pitte is ook ‗n baie goeie bron van vesel. Hoekom dit in die Engelse taal as "Passion Fruit" bekend staan sal ek nie weet nie. (Frik) ) Life is like an onion: You peel it off one layer at a 3 time and sometimes you weep. 3 3 3
Page 1: S Uitgawe 30 November 2011 R6.00 SC
Page 5 and 6: World's most powerful millimeter/su
Page 7 and 8: Kies 'n gesonder leefwyse Die somer
Page 9 and 10: Liefde is voorwaar blind, bewys stu
Page 11 and 12: Plaaslike Owerheid o.a. Die “Hier
Page 13 and 14: De Beers moet eers beskadigde omgew
Page 15 and 16: YOUNG STARS MAAK PORT NOLLOTH TROTS
Page 17 and 18: Hou op praat en doen iets omtrent v
Page 19 and 20: Onderwysers by funksie waar geld on
Page 21 and 22: Waar is ons Kransaasvoël? In Namak
Page 23 and 24: Soete liefde ken geen gebrokenheid
Page 25 and 26: Eensaamheid Eensaamheid veroorsaak
Page 27 and 28: Classifieds / Klein Advertensies 27
Page 29 and 30: HSN : Baie dankie! Net so paar foto
Page 31 and 32: Namakwa Boerdery Gaan die super-vee

Geestelike voedsel

You also want an ePaper? Increase the reach of your titles

Delete template?

Save as template?