Elevene ingen snakker om - Utdanningsnytt.no

Portrettet
Med veslebror Helge på fanget, 1967. Både Helge og Lars Arne gjorde karriere som fotballspelar og -trenar.
Foto: PrivAt
Stordlaget som rykte opp frå 2. til 1.divisjon i 1988. toppscorar
Lars Arne Nilsen med åttitalssveis er nummer fem frå
venstre i fremste rekke.
Foto: HAugesuNds Avis
«Sjølvsagt kan
fotballen få for
stor plass.»
Balanse. Lars Arne Nilsen er utdanna sjukepleiar
og akupunktør. Han har i fleire år hatt sin eigen
praksis i Volda, og han er fascinert av tenkinga i
kinesisk filosofi. Ikkje berre som akupunktør, men
også som trenar. Over ein kaffikopp på Høddvoll
får journalisten ei lita innføring.
– Det handlar om at alt må vere i balanse. Skal
du greie å gjere ein god jobb, må du vere i balanse.
Mellom anna må det vere balanse mellom arbeid
og kvile. Skal laget greie å prestere, må det vere
i balanse. Kinesarane snakkar om sjukdom som
ubalanse. Her trur eg vi har mykje å lære.
Eit eksempel, seier Nilsen: Migrene. Her i Vesten
gir vi folk migrenemedisin. Viss ikkje det
nyttar, gir vi dei anna medisin. Antidepressiva.
Blodtrykkmedisin. Vi pøser på og håper det beste.
Kinesarane spør kva som er i ubalanse. Er det noko
med søvnen Med kosthaldet Kor er ubalansen
som gjer at du får vondt i hovudet Dette er spanande,
synest Nilsen, og ein heilt annan måte å
nærme seg problem på.
– Vi slit med overvekt i vår del av verda. Ein
openberr del av ubalansen her i Vesten. Eg får
ungdomar til klinikken min som har ulike plager.
Mange av dei er heilt tydeleg overvektige. Eg seier
til dei: Du skal ikkje bruke pengar på meg no. Først
skal du gå ned 15 kilo! Vi må kunne seie det, vel
Det blir heilt feil å bruke akupunktur først for å
bøte på ein skade i kneet, når overvekt gjer at
kneet er overbelasta.
Balanse er eit nøkkelord. I kroppen, i sosiale
samanhengar, i arbeidslivet, i familien, i fotballgruppa.
– Sjølv om du har 20 spelarar som er godt motiverte,
som har godt humør og som står på og dreg i
same retning, får du ikkje eit godt fotballag av dei
dersom det er éin der som trekk i motsett retning
og skapar ubalanse. Har du eit rote egg, så må det
ut! Det har eg praktisert, og eg er overtydd om at
det er rett.
Lars Arne Nilsen tar kaffikoppen. Set den ned
igjen. Trekk pusten. – No snakkar eg visst for
mykje. Du må berre stoppe meg. Men dette gjer
meg engasjert!
Mentor. Lars Arne Nilsen har sjølv ei karriere som
spelar. Rett nok ikkje på Brann, men han var toppscorar
for Stord i 1988, og han spelte i eliteserien
for Sogndal eit par år seinare. Gjennom åra som
spelar lærte han også mykje om det å vere trenar,
ikkje minst av smått legendariske Brede Skistad,
som døydde altfor ung av leukemi.
– Om eg har hatt ein mentor, så er det Brede
Skistad. Eg lærte utruleg mykje av han. Det første
møtet eg hadde med han, var etter at eg hadde
vore i militæret nordpå og spelt ein sesong for
Harstad i 1. divisjon. Eg skulle begynne på skule
på Stord, der Brede Skistad var trenar, og tok kontakt.
Ubevisst tenkte eg nok at 2.-divisjonsklubben
ville ta imot meg med opne armar. Men Brede
Skistad ofra knapt fem minutt på meg. Han spurte:
«Kva fot er du dårlegast på» Eg måtte innrømme
at venstrefoten var litt svak reint teknisk. «Kom
tilbake om ein månad. Då skal du kunne trikse 100
gonger med venstrefoten», sa Skistad. Så gjekk
han. Eg stod berre og måpte!
Men unge Nilsen gjorde som han var bedt om.
Han greidde berre 5-6 i starten, men etter ein
månad med iherdig triksetrening kvar dag før
skulestart, greidde han 100. Han gjekk tilbake til
30 | Utdanning nr. 15/21. september 2012