(Descargar) Contos de medo no museo - Rede Museística ...

3
O anel dos destinos cruzados
—Este vaime oír —resmungou—. Xa tiña que
estar botando ese prea a fume de carozo, que
logo dannos as tantas e aínda estamos dentro.
Accionou de novo o número do compañeiro
que facía garda no primeiro andar. No canto da
súa voz, oíu a dunha muller bastante mexeriqueira
que lle dicía, como quen canta, que o
teléfono ao que chamaba estaba apagado ou
fóra de cobertura.
—O que me faltaba... —salaiou Lola, mirando
de novo impaciente o reloxo.
Fóra resoaron as campás das oito. Por primeira
vez lamentouno. Nunca pensara que
podería lamentar que chegase a hora de marchar
do traballo. De ter que botar aquel portón
para comezar a activar as alarmas e saír ela
mesma pola porta lateral. No entanto, naquel
momento daría algo por poder continuar alí, sen
ter que pensar por que o móbil de Osorio non
respondía e que ía facer ela agora, con aquel teito
de premonicións fatais sobre a cabeza.
Finalmente, de todos modos, impúxose a lóxica.
—Aquí non pasa nada –falou para si con
firmeza—. Pero que contra me está a pasar?
Parezo parva...
77