(Descargar) Contos de medo no museo - Rede Museística ...

Xesús Ferreiro notou a gorxa seca e a vista
anubrada. O primeiro acostumaba pasarlle
cando cambiaba o tempo. O segundo, cando a
rabia, malia todos os intentos por desabafala,
non conseguía alterar a súa consolidada flegma.
Coa páxina de sucesos aproveitou para recoller
os excrementos que o seu can Rus acababa
de defecar, xusto alí, no céspede do parque.
Dous excrementos redondos coma esferas perfectas
e pulidas na súa semellanza. Dous, o
binomio... desta volta Lola e Osorio, dúas simples
engrenaxes da gran cadea de mortes inocentes
dos que, sen ter coñecemento empírico
dos feitos, ousaban achegarse á comunidade do
amuleto... “porque todos os que enzoufaren o amuleto
coas súas mans deben morrer”. Así o escribira o
sabio e así o executaban os seus adeptos.
—Este Rus...
3
Contos de medo no Museo
Agochou baixo do xornal a copia dos apuntamentos
que o doutor Ramos escribira respecto
da restauración dalgunhas pezas, entre
elas o anel-amuleto, e que lle fora facilitada
por Rosa Loureiro e Luísa Rosende, as dúas
rapazas do Departamento de Documentación,
contribución á que accederan soamente
como tributo póstumo á súa amizade con Lola
99