DIARIO DE SESIÓNS DO PARLAMENTO DE GALICIA
DIARIO DE SESIÓNS DO PARLAMENTO DE GALICIA
DIARIO DE SESIÓNS DO PARLAMENTO DE GALICIA
Create successful ePaper yourself
Turn your PDF publications into a flip-book with our unique Google optimized e-Paper software.
<strong>DIARIO</strong> <strong>DE</strong> <strong>SESIÓNS</strong> <strong>DO</strong> <strong>PARLAMENTO</strong> <strong>DE</strong> <strong>GALICIA</strong><br />
expansión coincidente co Goberno progresista foron xa eliminados,<br />
e o peor parece estar por chegar, sobre todo para os<br />
xoves que afrontan a difícil incorporación ao mercado laboral.<br />
E sen recuperación laboral non haberá recuperación<br />
demográfica, nin pola vía da emigración nin pola vía da<br />
natalidade. Xustamente a resposta malthusiana é a resposta<br />
privada ao escaso dinamismo económico. E o dinamismo do<br />
mercado de traballo é unha condición necesaria, nunca suficiente,<br />
para a recuperación poboacional.<br />
Para completar este panorama rapidamente, está a difícil<br />
cuestión da sustentabilidade das finanzas públicas. A caída<br />
dos fondos europeos despois do 2003 –vostede sabe perfectamente<br />
que representan case 400 millóns de euros neste<br />
orzamento– e a difícil situación, a difícil conxuntura que ten<br />
a Facenda española van comprometer adicionalmente a<br />
capacidade de investimento da Xunta de Galicia. Por iso hai<br />
que saber concentrarse no esencial, impulsar unha efectiva<br />
política de austeridade, descoñecida ata o de agora, e de procura<br />
da calidade e da eficiencia nas decisións públicas.<br />
Sobre todo se queremos –e nós queremos– completar a construción<br />
dun sistema de benestar digno dese nome, que preserve<br />
e mellore o noso modelo social e que reduza o risco<br />
individual diante das continxencias da vida, aumente a cohesión<br />
social e a igualdade de oportunidades.<br />
É un tempo de austeridade –dicíase antes, nós compartímolo–<br />
pero tamén é un tempo de liderado, de procura da eficiencia,<br />
de reforzamento das complicidades sociais e políticas,<br />
de pensar de verdade no longo prazo, de aplicar a inventiva<br />
para atopar en cada problema unha oportunidade e de<br />
facer cambios no modelo de organización socioeconómica,<br />
que sen custos excesivos melloran a eficiencia da nosa organización<br />
social, da nosa organización económica.<br />
Se este é o meu diagnóstico entenderán vostedes que<br />
estea ben preocupado polos orzamentos do ano 2011. Porque<br />
non responden a estes retos, porque non están en consonancia<br />
co diagnóstico da situación que acabamos de esbozar.<br />
Desde logo, o que non hai que facer é optar pola pasividade.<br />
É unha manifesta irresponsabilidade desde a privilexiada<br />
atalaia da Xunta de Galicia comentar as xogadas como unha<br />
afeccionado máis en vez de utilizar todas as bazas para gañar<br />
o partido. No curto prazo hai que atender ás urxencias da<br />
situación, tendo claro sempre que o norte é incrementar a<br />
eficiencia con equilibrio social.<br />
Número 68<br />
22 de novembro de 2010<br />
A Xunta de Galicia ten as competencias plenas para<br />
poder actuar sobre os factores produtivos e que estes sexan<br />
máis eficientes. E ten as competencias plenas para en políticas<br />
sociais garantir o equilibrio. Imos ver se o fai ou non este<br />
orzamento.<br />
Empecemos xustamente polo mercado de traballo. Pasamos<br />
dunha previsión de gasto no ano 2009 de 421 millóns a<br />
354 tan só no ano 2011, pero este recorte aplícase sobre un<br />
número de desempregados crecente. Aínda máis, se temos<br />
en conta que estas políticas están financiadas, primeiro, por<br />
transferencias do Goberno de España e, despois, polo Fondo<br />
Social Europeo, podemos coñecer o esforzo específico que<br />
fai cos seus recursos a Xunta de Galicia. Pois ben, desde o<br />
ano 2009 o esforzo específico da Xunta de Galicia en políticas<br />
activas de emprego reduciuse un 40 %, e o esforzo por<br />
desempregado reduciuse a menos do 30 % –non un 30 %,<br />
non, a menos dun 30 %– do que existía no ano 2009. ¿Queren<br />
dicirme vostedes que están facendo unha política que ten<br />
en conta o principal problema que preocupa aos cidadáns,<br />
que é o problema do desemprego? Simplemente os datos<br />
indican todo o contrario. E iso é xustamente o que, nun<br />
documento que fixeron público recentemente avaliando os<br />
orzamentos do ano 2011, os sindicatos Comisións e UXT lle<br />
dicían clara e rotundamente á sociedade.<br />
Pero ao mellor estamos buscando mal, ao mellor a acción<br />
política da Xunta de Galicia orientouse noutra dirección,<br />
para prestar apoio a sectores produtivos específicos, para<br />
axudar ao sector primario en dificultades, a moitas ramas<br />
industriais que están nunha conxuntura adversa, ás industrias<br />
auxiliares da construción. O orzamento do 2011 dános<br />
tamén unha resposta negativa, pois os programas de apoio<br />
público aos sectores produtivos e de desenvolvemento<br />
empresarial descenden masivamente 208 millóns de euros,<br />
destacando algúns programas, como a caída de infraestruturas,<br />
equipamento no medio rural ou a fixación da poboación<br />
no medio rural.<br />
Pero ao mellor buscamos mal e as prioridades están na<br />
sociedade do coñecemento. Pero o orzamento do ano 2011<br />
dános de novo unha resposta negativa, unha redución do 27<br />
% no Plan galego de I+D+i. Galicia cae desa fronteira simbólica<br />
do 1 % do PIB que superara en 2008, mentres continúa<br />
o esforzo incrementado en termos públicos do conxunto<br />
de España en relación co PIB.<br />
58