Eyvindur 2013

EYVINDUR • DESEMBER 2013 11
afdráttarlaust fram að afkomendur
sæmdar hjónanna, Gunnhildar og Daníels
fyrrum ábúenda í Saurbæ, hafi gefið
dúkinn til minningar um þau á 100 ára
afmæli þeirra. Hún hafi einungis unnið
dúkinn, kniplað blúnduna og fengið dúkefnið,
úrvals hörefni, sent frá Bandaríkjunum.
Dúknum fylgir fallegt gjafabréf frá
gefendum.
Inga á mikið af fallegum knipluðum
skrautmunum en sitthvað fleira leynist
í pokahorninu hjá henni. Mesta athygli
vakti knipluð mynd af Saurbæjarkirkju.
Hún er algjörlega hennar hönnun. Í
öðrum verkum styðst hún gjarnan við
leiðbeiningar. Eitt sinn réðst hún í það
stórvirki að knipla hatt. Lang tímafrekast
var hattbarðið, lauslega áætlað 12 tíma
vinna á dag í heila viku.
Hún á glæsilega útsaumaða stóla (rennibrautir)
ásamt borði. Það verk var hafið
áður en hún yfirgaf sveitina. Hún og móðir
hennar Heiða í Litla-Garði hjálpuðust
að. Inga saumaði munstrið en Heiða fyllti
út í kring.
Flosuð mynd „Drottinn blessi heimilið“
og útskorin hilla prýða heimilið. Heklaður
dúkur með svönum var á borði í
stofunni. Sagði hún að hann væri kominn
til ára sinna. Púði með refilsaumi vermir
rass gesta í eldhúsinu. Þá sýndi hún okkur
skrautkúlur með orkeruðum rósum.
Rokkfjölskyldan eru prjónaðar dúkkur og
dýr, dót sem gleður augað.
Áhugi á handavinnu hefur alltaf blundað
með henni. Árin í sveitinni voru yfirleitt
notuð til hagnýtari starfa s.s. að prjóna og
sauma föt á fjölskylduna og jafnvel aðra.
Mikil breyting varð á högum Ingu er
hún fluttist í bæinn. Hún starfaði og
starfar enn hjá öldruðum, einkum við
að aðstoða þá við handavinnu. Tími til
að sinna eigin hugðarefnum varð nægur.
Hún segir: „Nú er ég að leika mér“.
Eyvindur þakkar Ingu fyrir að veita
lesendum blaðsins innsýn í sitt fallega og
fjölbreytta handverk.
Myndir: Jenný Karlsdóttir