Eyvindur 2013

56 EYVINDUR • DESEMBER 2013
setja persónuleg gögn á safn en við því er hægt að bregðast með
því að hafa þau lokuð um einhvern ákveðinn tíma. Skjölin eru
öruggust á safni hvort sem um trúnaðarmál er að ræða eða ekki.
Gögn sveitarfélaga og stofnana þeirra sem bundin eru trúnaði
verða það áfram og ekki síður þó þau flytjist á héraðsskjalasafn.
Aðgangstakmarkanir fara eftir lögum um Þjóðskjalasafn, upplýsingalögum,
persónuverndarlögum og stjórnsýslulögum.
Komum skjölum á safn og heiðrum þar
með minningu fólksins
Með því að koma skjölum forfeðra eða formæðra, nú eða einhvers
félags, fyrirtækis eða hrepps á safn er verið að tryggja
örugga varðveislu þeirra og bjarga sögulegum verðmætum sem
annars yrðu engum að gagni. Einnig og ekki síður er verið að
heiðra minningu fólksins, sýna verkum þeirra sóma og bæta við
í heildarmynd af sögu héraðsins og þjóðfélagsins. Þið sem hafið
undir höndum eitthvert gamalt dót, bréf, fundargerðir, handskrifaðar
bækur eða eitthvað slíkt sem þið vitið ekki hvað er, eða
vitið ekki hvað á að gera við, hafið endilega samband við safnið
og fáið ráðgjöf eða heimsókn á staðinn. Frumskjalið er best varðveitt
á safninu og hægt er að fá afrit af því á ýmsu formi.
Héraðsskjalasafnið er til húsa í Brekkugötu 17 á Akureyri.
Lestrarsalur er þar opinn fimm daga vikunnar, þar er hægt að fá
skjölin lánuð til notkunar en ekki til útláns. Á lestrarsalnum er
einnig gott safn handbóka í ættfræði og þar má finna manntöl og
kirkjubækur af öllu landinu.
Á vefsíðunni http://www.herak.is/ má finna allar frekari upplýsingar
um safnið og þar á meðal skrár yfir safnefnið.
Aðalbjörg Sigmarsdóttir
Allt er fallegt í Eyjafjarðarsveit.
Mynd: Freydís Heiðarsdóttir.