Eyvindur 2013

28 EYVINDUR • DESEMBER 2013
Eiríkur G. Stephensen
Tónlistarskóli Eyjafjarðar 25 ára
Tónleikar í Hrafnagilsskóla.
Mynd: Hrafnatilsskóli
„Ágætu íbúar við Eyjafjörð. Stofnaður
hefur verið Tónlistarskóli Eyjafjarðar. Er
honum ætlað að bæta úr brýnni þörf á
tónlistarkennslu í firðinum og bæta með
því aðstöðu þeirra sem fara á mis við slíkt.“
Svona hófst auglýsing sem birt var
haustið 1988. Seinna í auglýsingunni segir:
„Framboð á hljóðfæranámi er bundið
hljóðfæraeign skólans og þeim kennurum
sem hægt verður að ráða að skólanum. Í
vetur hyggjumst við bjóða upp á eftirtalda
valkosti: Píanó, orgel, gítar, bassa, þverflautu,
klarínett, saxofón, trompet, cornett,
horn, baritone, básúnu og trommur
auk forskóla.“
Veturinn á undan hafði undirbúningur
að stofnun skólans farið fram og voru
þátttakendur sveitarfélögin sem nú tilheyra
Eyjafjarðarsveit, sveitarfélögin sem
tilheyra Hörgársveit , Grýtubakkahreppur,
Svalbarðsstrandarhreppur og Hrísey.
Strax í byrjun varð til mikill áhugi og átti
skólinn í erfiðleikum með að veita öllum
skólavist og þurfti hluti nemenda að fara
í hálft nám. Fyrsta skólanefndin var skipuð
sr. Pétri Þórarinssyni Möðruvöllum,
Björgu Sigurbjörnsdóttur Grenivík og
Garðari Karlssyni Laugarlandskóla sem
var kosinn formaður. Atli Guðlaugsson
var ráðinn fyrsti skólastjóri skólans og 6
kennarar sem voru þau Björg Sigurbjörnsdóttir,
Gunnar Jónsson, Óskar Einarsson,
Elisabeth Lillecrap, Þórdís Karlsdóttir og
Birgir Karlsson.
Áhugasamir nemendur í Laugarborg.
Á fyrstu árum skólans fór nemandafjöldinn
hátt í 200 nemendur enda var
eftirspurnin gífurleg. Söngdeild var sett á
laggirnar ári eftir stofnun skólans þegar
Þuríður Baldursdóttir söngkennari kom
til starfa. Lúðrasveit var stofnuð strax á
fyrstu árum skólans og starfaði hún til
ársins 1996.
Það má segja að það hafi verið mikill
uppgangur í tónlistarskólanum fyrstu
árin og hann hafi farið vel af stað. Kennarahópurinn
tók á sig breytingar og
stækkaði. Má þar nefna Guðjón Pálsson,
Dórótheu Dagný Tómasdóttur og Ingva
Mynd: Hrafnatilsskóli
Vaclav Alfreðsson sem byrjuðu á fyrstu
árum skólans og ekki síst sveitunga okkar
Garðar Karlsson sem hafði komið fyrst
að skólanum sem skólanefndarmaður og
síðan fljótlega sem kennari og byggði hann
m.a. upp forskólakennsluna. Garðar lést
árið 2001 og var það skólanum bæði mikill
missir og harmur. Stofnaður var styrktarsjóður
við skólann til minningar um Garðar
og er veitt úr honum til nemenda bæði
fyrrverandi og núverandi á hverju ári.
Hríseyjarhreppur dró sig úr samstarfinu
eftir fyrsta veturinn og Svalbarðsstrandahreppur
1996, en eftir stóðu þau sveitar-