Eyvindur 2013

18 EYVINDUR • DESEMBER 2013
Brynjólfur Ingvarsson
Strákarnir hans Hreiðars
Þegar kynslóð undirritaðs var að alast upp, vaxa úr grasi og
komast síðan hægt og bítandi til vits og ára, um og upp úr miðri
síðustu öld, var nánast ekkert eins spennandi og fótboltinn.
Ungmennafélagið Framtíð í Hrafnagilshreppi átti þá afreksmenn
og hetjur í frjálsíþróttum eins og Skjóldalbræður yngri og frambærilegt
keppnislið í knattspyrnu undir forystu Helga Schiöth
í Hólshúsum, sem hafði komist í landslið á yngri árum og það
var toppurinn. Keppt var í sérstökum Framtíðar búningum:
Svartar stuttbuxur og hvít stuttermaskyrta með svörtum kraga
og svörtum ermalíningum. Þessir menn voru lifandi goðsagnir
í augum okkar smápollanna. Draumurinn var að geta einhvern
daginn borið sig saman við þessi ofurmenni og til þess var mikið
á sig lagt. Það var ennþá mikilvægara en að vinna sig í álit sem
kúasmali hjá stórbændum, þó að það starf væri tekið alvarlega.
Ekki datt manni annað í hug en að iðkun knattspyrnu í Hrafnagilshreppi
hefði byrjað á þessum árum og aldrei heyrðist talað
um markvissar fótboltaæfingar framan Akureyrar fyrir stríð. Alvörugefnir
kúabændur þögðu vandlega yfir þessu eins og bókum
Halldórs Laxness. Af skiljanlegum ástæðum.
En þetta átti heldur betur eftir að breytast. Ljósmynd frá 1938?
var óvænt dregin upp úr skúffu, ættuð úr dánarbúi Ragnars
Skjóldal, sem sýnir vaska drengi úr Hrafnagilshreppi á aldrinum
15-29 ára, augljóslega fótboltalið undir forystu Hreiðars
Eiríkssonar frá Dvergsstöðum, seinna garðyrkjubónda í Laugabrekku
og Grísará. Hann heldur á boltanum, leiðtogalegur á
svip. Á þessum árum var Hreiðar búinn með bændaskólann á
Hvanneyri og orðinn sundkennari við Hrafnagilslaug og eftir
það vinnumaður hjá Friðjóni í Reykhúsum. Aðrir á myndinni
eru tveir Hvammsbræður, Snorri og Guðlaugur, tveir elstu
Ytra- Gilsbræður, Ragnar og Páll, Bjarni Rafnar, læknissonur,
Kristneshæli, Jón Davíðsson á Kroppi, Karles Tryggvason frá
Jórunnarstöðum, vinnumaður á Espihóli, Páll Rist á Litla-Hóli
og loks tveir bræður frá Dvergsstöðum, áður á Botni, Þorbjörn og
Hallgrímur. Þetta verða samtals 11 knattspyrnumenn, keppnislið
Hrafnagilshrepps. Knattspyrnufélagið Örin. Auk þess er á
myndinni utanhreppsmaður, mjög líklega Ármann Helgason frá
Þórustöðum, Öngulsstaðahreppi. Myndin gæti verið tekin eftir
kappleik á velli neðan við Þórustaði. Horft til norðurs. Þrír eru í
Efsta röð frá vinstri: Jón Davíðsson (1914-1969), Þorbjörn Indriðason (1917-1979), Ragnar Skjóldal (1914-2009), Karles Tryggvason
(1909-1991), Bjarni Rafnar (1922-2005).
Miðröð: Páll Rist (1921-), Páll Skjóldal (1916-1997), Snorri Halldórsson (1919-2009).
Neðsta röð: Ármann Helgason (1917-2006), Hallgrímur Indriðason (1919-1998), Hreiðar Eiríksson (1913-1995), Guðlaugur Halldórsson
(1923-2001). Hér þarf ýmsa fyrirvara. Aðalgallinn við þessa myndskýringu er sá, að Bjarni Rafnar (16 ára) og Guðlaugur Halldórsson (15 ára)
sýnast vera harðfullorðnir menn. Eða blekkir ljósmyndin??
Eftirmynd: GÖJ