Eyvindur 2013

EYVINDUR • DESEMBER 2013 53
Síðan rann til sjávar afar mikið vatn. Sá hagmælti breyttist
úr unglingi í nokkuð gamlan mann. En hann hætti ekki
að setja saman vísur, ýmist af gefnum tilefnum ellegar af
tilefnislausu.
Æðri menntun engan svíkur.
Ýsan kennir hrogninu.
Í miklum vindi moldin rýkur
meira en í logninu.
*
Einn fer með sannleika, annar með rugl;
auga leið þetta gefur,
enda er sagt að svo fljúgi hver fugl
sem fjaðrirnar til þess hefur.
*
Þannig er það í grunninn,
þjóðarleiðtoga plottið:
Of snemmt er að byrgja brunninn
því barnið er ekki dottið.
Haustið er komið og grundirnar grána.
í gilinu lækur á erfitt um vik.
Einasta bótin að aftur mun hlána
áður en veturinn nær sér á strik.
*
Að yrkja reynast mun aldrei snúið
okkur sem snilli hýsum.
En skyldi ekki vera bráðum búið
að búa til nóg af vísum?
*
Ljóð mín munu leiða af sér siðbót.
Líka það að fleiri verða góð skáld.
Ef ég gerði eina vísu í viðbót
er viðbúið að ég yrði kallað þjóðskáld!
Hallmundur Kristinsson,
Arnarhóli.
Gunnar Jónsson – Aðalbjörg Sigmarsdóttir
Héraðsskjalasafnið á Akureyri
Oft hef ég lagt leið mína á Héraðsskjalasafnið á Akureyri til að
glugga í heimildir, aðallega um Saurbæjarhrepp. Þar hef ég notið
ánægjulegrar þjónustu starfsfólksins og fundið dýrmætar upplýsingar
um menn og málefni. Mikið er til af gögnum um sveitina
framan Akureyrar, frá hreppunum gömlu, félögum og einstaklingum.
Í grúski mínu um sögu Saurbæjahrepps hef ég marga hitt og
fengið ómetanlegar upplýsingar um mannlífið í sveitinni. Fyrir
það er ég mjög þakklátur og vona að sú þekking verði á einhvern
hátt aðgengileg þeim sem vilja kynna sér sögu hreppsins og þá
helst bæta við hana. Í þessum heimsóknum til fólks hafa mér
stundum verið afhent mikilvæg gögn sem ég hef komið á Héraðsskjalasafnið.
Þrátt fyrir að Eyfirðingar hafi verið duglegir við að
efla safnið eru enn margan dýrgripinn að finna hjá núverandi og
fyrrverandi íbúum. Gögn sem nauðsynlega þurfa að fara á safnið
til varðveislu.
Ég bað Aðalbjörgu Sigmarsdóttur héraðsskjalavörð að setja
á blað hugleiðingu um safnið og brást hún fljótt og vel við þeirri
bón. Ég mun áfram leita gagna í sveitinni og taka að mér að koma
þeim á skjalasafnið sé þess óskað.
Héraðsskjalasafnið á Akureyri hefur starfað í nærfellt 45 ár en
formlega var það stofnað 1. júlí 1969. Hvaða tilgangi þjónar þetta
safn og fyrir hverja er það? Er ekki nóg af þessum söfnum allsstaðar,
gæti einhver spurt. Svarið við því er að héraðsskjalasöfnin
eru stofnuð af því það er lagaleg skylda að varðveita öll skjöl
sem verða til á vegum hins opinbera og þar með skjöl sveitar-
Gunnar Jónsson
Ingibjörg í Gnúpufelli á fyrsta fundi um söfnun mennngarminja í
Eyjafjarðarsveit.
Mynd: Helga Gunn.