Biologji 7-8-9 - Albas

Libër mësuesi për tekstin “Biologji dhe edukim shëndetësor” 7-8-9
Kërkesa të qarta ndaj nxënësve
si dhe përdorimin e metodave dhe
teknikave mësimore efikase.
Gjithashtu për të realizuar një vlerësim të suksesshëm mësuesi të ketë të qarta problemet
si më poshtë:
• Si mësojnë nxënësit.
• Sa të suksesshëm janë ata në të mësuarit.
• Sa efikase janë detyrat e caktuara dhe teknikat e përdorura për të ndihmuar nxënësit.
Etapat e vlerësimit
Objektivi bazë i çdo vlerësimi është, që të përcaktojë shkallën në të cilën nxënësi arrin
objektivat e parashikuara dhe ndikimin që ka mësimdhënia dhe detyrat e shtëpisë për atë.
Vlerësimi realizohet gjatë tri etapave:
Për arritjen e suksesit mësuesi duhet të planifikojë
detyra, veprimtari, teknika dhe strategji të
përshtatshme për të mësuarit.
Kontrolli. Ka të bëjë me përfundimin e të mësuarit. Ai shprehet në forma të ndryshme dhe
realizohet në çdo çast mësimor. Gjatë kontrollit realizohet: ç’dinë (çfarë u arrit) dhe çfarë nuk
dinë nxënësit (çfarë nuk u arrit).
Matja. Ajo që u kontrollua duhet të matet. Nxënësi ka nevojë të dijë rezultatin e kontrollit.
Këtë matje e bën mësuesi. Ajo shprehet me pikë, me përqindje ose me një evidencë të
thjeshtë, e formuluar me shprehje, shenja dalluese etj., e krahasuar me një standard të
bazuar në kritere.
Vlerësimi. Nënkupton vendosjen e një vlere gjykimi sasiore ose cilësore, bazuar në
matjen. Kjo bëhet nga mësuesi me notë ose me shprehje.
Nëse kontrolli bëhet gjatë gjithë orës së mësimit, matja e cila shpesh është e pandarë
nga vlerësimi, bëhet në etapa të caktuara të tij. Jo çdo kontroll shoqërohet me matje.
Kategoritë e vlerësimit.
Vlerësimet që bën mësuesi në klasë,
mund t’i klasifikojmë në katër kategori:
B
• Formues
• Diagnostikues
• Përmbledhës
• Motivues
Vlerësimi formues
Vlerësimi formues synon të theksojë atë se çfarë ka arritur nxënësi gjatë procesit të
formimit të njohurive dhe mbi këtë bazë bëhet planifikimi i mëtejshëm.
Vlerësimi formues është një nga elementet më të rëndësishme të çdo mësimi, sepse
është një aktivitet që i lejon mësuesit të vlerësojë sipas standardeve të kontrollit dhe të bëjë
ndryshime në orën e mësimit sipas këtij informacioni.
Në realitet, vlerësimi formues, është një proces i vazhdueshëm, që duhet të realizohet
gjatë gjithë orës së mësimit. Vlerësimi formues mund të organizohet në forma të ndryshme.
Kjo varet nga specifika e temës. Ai mund të organizohet herë me nxënës të veçantë, herë
me grupe të vogla nxënësish, herë me pyetje – përgjigje, herë me detyra me shkrim etj.
Përdorimi i vlerësimit formues e ndihmon mësuesin që të sigurojë se nxënësit nuk kalojnë
në temat dhe objektivat e reja më parë se të kenë përvetësuar aftësinë që bëjnë të mundur
arritjen e detyrës së mëvonshme.
B
Vlerësimi diagnostikues bëhet kryesisht për aspekte të përvetësimit të njohurive nga
nxënësit, për të gjykuar për atë që ata kanë mësuar dhe për atë që nuk kanë mësuar.
Vlerësimi diagnostikues ka rëndësi për faktin se ai:
Jep informacion për efektshmërinë e të mësuarit pasi nxënësit ta kenë studiuar temën.
Informacioni mund të përdoret për të përcaktuar mënyrën e veprimit në etapën e dytë të
16