Create successful ePaper yourself
Turn your PDF publications into a flip-book with our unique Google optimized e-Paper software.
Libër mësuesi për tekstin “<strong>Biologji</strong> dhe edukim shëndetësor” 7-8-9<br />
të mësimdhënies lidhet, së pari, më nxënësin, me vetë mësuesin, me nivelin e përgjithshëm<br />
të klasës dhe me tërësinë e objektivave dhe të aktiviteteve të mundshme në klasë. Kështu,<br />
ndryshe vepron në zgjedhjen e një aktiviteti lidhur me njohjen e botës bimore apo shtazore një<br />
mësues në Tiranë, që ka pranë objekte të përshtatshme, siç është: Kopshti Botanik, Kopshti<br />
Zoologjik apo Muzeu i Shkencave Natyrore, dhe ndryshe një mësues i një rrethi tjetër, që për<br />
nga mungesa objektive, do të përdorë herbariume apo koleksione të parapërgatitura për të<br />
zhvilluar një aktivitet praktik njohës.<br />
Fillimisht, u kushtohet kujdes veprimtarive hyrëse. Mbasi futet në klasë, mësuesi tërheq<br />
vëmendjen e nxënësve për vendosjen e qetësisë, për qëndrimin drejt dhe në vendet e tyre.<br />
Mësimi duhet të fillojë pasi të jenë ulur nxënësit në vendet e tyre dhe, kur është vendosur<br />
qetësia dhe të jenë siguruar kushtet normale për punë. Përsëritja e mësimit të kaluar ose,<br />
më mirë, kontrollimi i përvetësimit të tij mund të fillojë edhe me detyrat e shtëpisë, që<br />
referojnë përmbajtjen e tij dhe, më pas, me anë të pyetjeve të përgatitura me kujdes. Gjatë<br />
kësaj veprimtarie duhen aktivizuar sa më shumë nxënës. Veprimtaritë hyrëse duhet të zënë<br />
vendin e duhur, sepse u paraprijnë veprimtarive njohëse, që do të pasojnë dhe, në shumë<br />
raste, sigurojnë vazhdimësinë ose lidhjen me njohuritë e fituara më parë. Në disa raste,<br />
veprimtaritë hyrëse mund të tërheqin vëmendjen dhe interesin e nxënësve, kur ndërtohen<br />
në formën e ushtrimeve përsëritëse e përmbledhëse. Rëndësi ka që veprimtaritë hyrëse,<br />
sido që të realizohen, duhet të tërheqin vëmendjen e nxënësve dhe përqendrimin e tyre në<br />
mësimin e ri që do të zhvillohet.<br />
Në planifikimin e orës së mësimit, mësuesi duhet t’u lërë vendin e duhur veprimtarive<br />
zhvilluese. Kjo nënkupton drejtimin që duhet t’i jepet zgjidhjes së pavarur të pyetjeve jashtë<br />
tekstit dhe që synojnë zgjerimin e njohurive, komentimit të figurave etj. Në mësimet e lëndës<br />
së biologjisë duhet t’u kushtohet kujdes demonstrimit të objekteve ose eksperimenteve<br />
afatgjata, prandaj mësuesi duhet t’i sigurojë ato e t’i kontrollojë për ecurinë normale të<br />
mësimit.<br />
Çdo orë mësimi mbaron me një mbyllje, që duhet të përfaqësojë edhe momentin kulmor<br />
të saj. Në mësimet e lëndës së biologjisë rekomandohet që për këtë qëllim më mirë të vihen<br />
në punë nxënësit, sesa vetë mësuesi të bëjë një përsëritje të asaj që është mësuar.<br />
Kur mësimi i zhvilluar është vazhdim i një teme të gjerë, mund t’u kërkohet nxënësve, me<br />
anë të pyetjeve ose vrojtimit të një figure apo objekti, të gjejnë lidhjen ndërmjet asaj që kanë<br />
mësuar më parë dhe asaj që kanë marrë me mësimin e dhënë. Por me gjithë rekomandimet,<br />
përzgjedhja e këtyre veprimtarive është tërësisht opsionale dhe e lirë të realizohet sipas<br />
kërkesave reale të nxënësve dhe të mësuesit, si dhe bazuar në temën mësimore.<br />
Në procedurën e planit mësimor, mësuesi duhet të bëjë edhe parashikimin për kohën<br />
që duhet të zërë çdo veprimtari e planifikuar. Koha duhet të parashikohet e mjaftueshme<br />
për secilën prej tyre. Sido që hyrja dhe mbyllja mund të duken dytësore, edhe atyre u duhet<br />
lënë koha e duhur. Gjithsesi, kohën më të madhe duhet ta zërë të nxënit. Jo rrallë, sidomos<br />
mësuesve fillestarë, u mbetet kohë nga veprimtaritë e planifikuara. Në të tilla raste, mësuesi<br />
duhet të aktivizojë nxënësit për të rifreskuar, me anë të pyetjeve apo vrojtimit të objekteve,<br />
elementet më të vështira të mësimit.<br />
Struktura e mësimit sipas filozofisë të të menduarit kritik<br />
Evokimi<br />
Evokimi është faza e diskutimit para dhënies së përmbajtjes.<br />
- Mësuesi tregon apo identifikon temën e mësimit.<br />
- Pyet nxënësit çfarë dinë rreth saj (temës).<br />
- Kërkon të dijë prej nxënësve çfarë presin nga ajo, dëshirojnë apo kanë nevojë të<br />
mësojnë rreth saj (idetë radhiten në tabelë).<br />
<br />
Realizimi i kuptimit<br />
Kjo është pjesa më e rëndësishme e mësimit.<br />
Në këtë fazë marrin kuptim njohuritë e reja, ndodh të nxënit e kuptimshëm dhe të<br />
vetëdijshëm pas kryerjes së fazës së parë, fazës së evokimit. Nxënësit kërkojnë informacion<br />
relativ në lidhje me parashikimet e bëra.