Read - bunge .parliament.go. tz

swali la msingi nikielezea kwamba pamoja na uwepo
wa mafunzo haya ya Stashahada na Shahada kwa
taaluma hii Ustawi wa Jamii, sasa Serikali imeanza
kuandaa na mafunzo haya yameanza mwaka huu ya
wale Social Welfare Assistants yaani Wasaidizi Maafisa
Ustawi wa Jamii katika Chuo hicho ambacho
nimekisema kipo Kilimanjaro. Kwa hiyo, naamini
mafundisho haya yanaweza yakatusaidia tukapata
wengi ambao wanaweza wakafanya kazi hata katika
ngazi zile za chini.
MHE. EUGEN E. MWAIPOSA: Mheshimiwa Spika,
nakushukuru kupata nafasi. Kwa kuwa Serikali imekiri
katika swali la msingi kwamba changamoto ya
kupanda kwa maisha ni sababu tosha ya kuwafanya
wananchi wake kuwa na msongo wa mawazo; na
kwa kuwa, njia sahihi ya kuweza kutatua tatizo hili ni
kupunguza gharama za maisha kuliko kuzalisha
wataalam ambao watakwenda kutatua tatizo hilo. Je,
Serikali ina mpango gani wa kuhakikisha kwamba
gharama ya maisha ya wananchi wake zinapungua
au zinakuwa chini ili wananchi wake waepukane na
tatizo hili la msongo wa mawazo (Makofi)
NAIBU WAZIRI WA AFYA NA USTAWI WA JAMII:
Mheshimiwa Spika, ni kweli moja katika sababu za
kupata mgandamizo yaani stress ni kupanda kwa
gharama za maisha lakini kupanda kwa gharama za
maisha ni moja tu katika zile sababu ambazo zinatokea
na siyo lazima kwa kila mtu ambaye anakabiliana na
gharama au changamoto za kupanda kwa gharama
za maisha anaweza akapata stress. Kuna wengine
ambao wanamudu na wanaweza kukabiliana na kuishi