Dat Letzt - Quickborn. Vereinigung für niederdeutsche Sprache und ...

Plattdütsch Land mit Zombie – BRÜMMER
woll, dat geiht üm einen Krüzzug, un bi sowat güng’t ja dorüm, dat
Heilig Graww von Lüüd tau „befreien“, de ’n annern Globen harden.
Dat „Befreien“ würd mit Dootschlagen tauwääg bröcht, dat wier lobesam,
un uns wackeren dütschen Ritter harden dor väl Freud an, wenn
man de Dichter glöwt. Ein Ritter ut Schwaben hett nämlich in dit Gedicht
einen mit denn’ verkiehrten Globen midden dörchhaugt. „Zur
Rechten sah man wie zur Linken einen halben Türken heruntersinken“.
Nee, dat geiht hüt würklich nich miehr, ok nich, wenn ein Uhland
heit.
Bi Fontane sienen Ribbeck ward ja nu friedlich storben. Un de gaude
olle Gaudsherr is noch oewer sienen Dood rut leiw tau de armen Kinner
in sien Dörp. He lött ne Beer in sien Graww leggen, dormit in twintig
odder dörtig Johr – wo lang’n brukt so’n Beernboom? – de Bedürftigen
ehren Hunger un Vitaminbedarf up’n Karkhoff stillen künnen.
He harr ja all tau Läwtieden an Kinner, de in Holtpantinen vörbikemen,
Beern verschenkt, as gnädig un gäudig Gaaw. Natürlich harr he ehr ok
Schauh schenken künnt, äwer man dörf nich tauväl verlangen, denn
Schauh kosten Geld un Beern nich. Äwer he hett sick ümmerhen beide
Taschen vullstoppt, dat wull Fontane woll as besünners grothartig
verstahn hebben. Twei Taschen vull Beern? Woväl sünd dat? He harr
ja ok ’n Korw vull plücken odder plücken laten künnt, un man harr den
achter em andragen. Wenn‘ mal oewerleggen deiht, wo lang’n Beern
riep sünd, un dat Beernbööm hoch sünd, un dat he säker nich up de
Ledder kladdert is, denn koenen eigentlich nich väl Beern tau de Kinner
kamen sien. Odder dat geew nich väl Kinner in denn’ Urt. Hebben
de von Ribbeck villicht ehr Jus primae noctis nich wohrnahmen? Odder
hett he blot ’n poor von de Lütten besünner leiw hatt un ehr beschenkt?
Oh Mann, nu äwer blot nich ganz so leeg denken!
Dat so ’n Beernboom ut ’n Graww wassen kann, is natürlich dumm
Tüügs. Wo deip liggt so‘n Dooden? Täuw mal, „Six feet under“ heit
disse Fernsehserie, söss Faut also, dat sünd so bi so’n Meter achtzig,
glöw ick. Also dor schafft dat de best brandenborgsch Beer nich, sick
tau reproduzieren. Un sülwst wenn, denn harden de Nahkamen odder
de Karkhoffsgärtner denn’ „Birnbaumsprößling“ nah dat Rutsprossen
fix gägen Stiefmütterchen ümtuuscht. Äwer sülwst wenn dat nich passiert
wier – wenn so’n Boom nich veredelt ward, dröggt he blot lütte
Holtbeern. Na taumindst passen dorvon väl in twei Taschen un de Kinner
koenen sick prima dormit smieten.
33