Dat Letzt - Quickborn. Vereinigung für niederdeutsche Sprache und ...

RUNDSCHAU
Rundschau
GEBURTSTAGE UND JUBILÄEN
Sösstig Johr up de Bühn
As in’n Janewor bi de Nedderdüütsche Bühn Flensborg dat Stück
“Kinner – Kinner” sien Premiere harr, weur dat to glieke Tied en
Jubiläum för Schauspälersch Irmgard Wempner. Sösstig Johr stünn
se up de Bühn. Se hett nich bloots späält, sünnern ok sülven Theaterstücken
schräven. Ehr besünner Rebeet weur Theater för Kinner.
www.niederdeutschebuehne.de/hjm
Töster Speeldeel ward 75
1932 wörr de Töster Speeldeel in Tostedt (Töst, Landkreis Horborg)
grünnt. To ehrn 75. Gebortsdag bringt se de Komedi “De
Voss in de Fall” up de Bühn. Dat Leit över de Bühn hett siet twintig
Johr Margret Lührsen. Se füng as Schauspälersch an, noch keen
18 Johr oold. Domaals harr ehr Vadder dat verbaden, in Szenen
mit Leefde, Küssen un son Swienkraam to spälen.
Harburger Anzeigen u. N. / hjm
“De Spieker” fiert düt Johr Jubiläum
“De Spieker – Heimatbund für niederdeutsche Kultur” fiert in düt
Johr sien sösstigjohrig Jubiläum. Vörsehn is dat an’n 10. November
in Bad Zwischenahn, Wannelhall. Wat sik dor allens afspälen
schall, bringt wi later. www.de-spieker.de / hjm
PREISE, EHRUNGEN
“Apparatspott”-Filmemaker uttekent
Bi den Weddstried NordWest Award vun de Brämer Landsbank
kreeg de Apparatspott-Kru ut Sulingen den tweten Pries för jümehr
plattdüütsche Filme “Apparatspott – Gerangel in Ruum un Tied”.
Dorto geev dat 7500 Euro up de Hand. De annern Priesen hebbt
nix mit Plattdüütsch to doon. Utlaavt wörr de Pries för allens, wat
de Kultur in de Nordwest-Region up de Sprüng helpt.
Plattnet / hjm
Heinz von der Wall ehrt
Up en plattdüütschen Freuhschoppen in de Aula vun en Osnabrücker
Gymnasium kreeg de Schriever Heinz von der Wall in’n Oktobermaand
den Wilhelm-Fredemann-Gedächtnispries. Düsse
Pries ward siet 1983 in jeed Johr vergäven. De Schriever, de in
Ankum (Kreis Osnabrück) to Huus is, hett en ganze Rehg Romane,
83