Dat Letzt - Quickborn. Vereinigung für niederdeutsche Sprache und ...

övertüügt. Wat Regisseur Thomas Willberger
mit de beid ut de Komödie ruthaalt
hett, sett för dat moderne plattdüütsche
Volkstheader nee Maßstäbe.
Aver ok de Amateur-Schauspääler van
de August Hinrichs Bühne, Michael
Meine as Frank, Silke Freese as Heidrun
un Karin Haan as de Doktersche,
bruukt sik mit ehre Leistungen nich to
versteken: tohoop mit de beid Profis
hebbt se ünner de seekere Hand van
Thomas Willberger heel wat besünners
up de Bühne brocht. De störmische Bifall
van de Tokiekers wull denn ok keen
Enn nehmen.
”Elling”, Sozialkomödie von Axel
Hellstenius nach dem Roman von Ingvar
Ambjörnsen. Niederdeutsche
Erstaufführung am Oldenburgischen
Staatstheater. Inszenierung: Thomas
Willberger. Premiere war am 3. Februar
2007. Theo Gerdes
„De „De lütte lütte Herkules“
Herkules“
Wenn en Schwank vun dat Komödianten-Duo
Franz Arnold un Ernst Bach, in
en wunnerbor Översetten vun Hartmut
Cyriacks un Peter Nissen, opföhrt
warrt, in en Inszeneerung vun Wilfried
Dziallas, de bet op den letzten i-Punkt
allns fast in’n Griff hett, denn kann dat
blots en groot Vergnögen warrn -för de
Tokiekers un de Schauspelers. Jüst so
weer dat bi de Premiere vun “De lütte
Herkules”.
De Chef vun en Hamborger Handelshuus,
Georg Schilling (Erkki Hopf), hett
de Firma in de Pleite dreven. Em is sien
Techtelmechtel mit de Dänzerin Pussy
Angora (Sandra Keck), wat nich jüst
Rezensionen
billig is, wichrtiger as gode Arbeit in’t
Kontor. Helpen schall de Heirat mit Hilde
(Carolyn Walsh), de Dochter vun
den steenkrieken Konsul Wieland (Jürgen
Lederer). De Deern nimmt ünner
falschen Naam en Stellung dor as Sekretärin
an un kriggt allns mit. De Firma
warrt ünner Geschäftsopsicht stellt.
Dorto kickt man sik den peniblen
Bookhöller Eduard Haselhuhn ut Ratzeborg
ut. He schall as “lütte Herkules”
den Augiasstall düchtig utmisten. Wat
Manfred Bettinger ut disse Rull maakt,
is eenfach grootardig! He is so truschüllig
un so unfriewillig komisch. He övertüügt
mit jeedeen lütten Fingertipp.
Man all de Rullen, bet hen to de lüttst,
sünd op’t Best besett. To nömen sünd
aver noch Sandra Keck as flotte Pussy,
de dat blots op dat Geld vun ehr Friers
afsehn hett. Uta Stammer as Emilie,
Hanselhuhn sien Fru, un denn noch
Verena Wolfien as ehr in de Provinz
versteken Dochter. De Deern mit ehrn
sächsischen Tungenslag, de jüst bi
Pussy “gesellschaftlichen Schliff” kriegen
schall, verzaubert de Tokiekers.
In twee flott Bühnenbiller un schicke
Kledaasch vun Malte Marks löppt de
Komödie so rasant över de Bühn, dat
man sik as in en Karussell vörkümmt –
fasthollen un man blots allns mitkriegen.
Un as dat so is in Komödien: In
Pussy ehrn Plüsch-Salon löppt sik allns
torecht – so or so. Wo heet dat doch so
schöön: “En Schelm, de Böses dorbi
denkt!”
Riesenapplaus för all: dat Stück, de
Regie, dat Bühnenbild un de goot
opleggten Schauspelers.
To’n Utklang wörr noch de ehemalig
Wirtschaftsenator Hellmuth Kern op de
Bühn beedt. Em wörr de Ohnsorg-Ver-
81