Dat Letzt - Quickborn. Vereinigung für niederdeutsche Sprache und ...

BRÜMMER – Plattdütsch Land mit Zombie
Na gaud, ick lat mal allens bisiet, wat botanisch nich so gahn wier. Äwer
bi de letzten beiden Reigen von dat Gedicht ward mi oewel. „So
spendet Segen noch immer die Hand ...“ Sägen? S ä g e n ??? Ick hew
mi ünner Sägen mien Läwdagg wat anners vörstellt. Ne Beer schenkt
tau kriegen von einen, denn’ dat bäder as gaud geiht in sien „Doppeldachhaus“?
Ach so, dat gehürt tau uns klassisch Arwdeil un is blot allegorisch,
symbolisch, in’ oewerdragen Sinn tau verstahn? Woans sallen
wi dat denn verstahn? Wat wull uns denn nu de Dichter dormit seggen?
Ick finn nix anners rut, as dat dat in Brandenborg gaude rieke
Minschen geew, de arm Kinner mal wat schenkt hebben. För wat sall
denn de Beer üm Himmelswillen ein Symbol sien?
Steiht disse Ribbeck eigentlich ümmer noch in Schaulbäuker? Ick hoff
nich. Äwer dat verschafft em ja liekers keinen würlichen Dood, denn
as ’n süht finnen sick ümmer weck, de giern denn‘ Sargdeckel wedder
upmaken. För fief Reigen Platt in ein hochdütsch Gedicht, un de ok
noch tau Hälft verkiehrt.
vgl. Dat Letzt, S. 100
34