Dat Letzt - Quickborn. Vereinigung für niederdeutsche Sprache und ...

Rezensionen
Gries, also een Mööv, un wat so ’n lütten
Vogel allns beleeven deiht in sien
Kinnertied. De meiste Tied bringt “Lüttje
Gries” mit Freten to – “vun de Fisch
dat Best” natürlich, vun den he gor nich
g’noog kriegen kann. An ’n End is “Lüttje
Gries” sülbst Vadder woorn un sien
Göörn hebbt natürlich jüst so ’n Smacht
so as he fröher. “Giff uns mehr!”, schreet
de lütten Möven, “Lüttje Gries” holt nu
den Fisch ran – un denn geiht de Geschicht
an un för sik wedder vun vörn
los. Dat veerte plattdüütsche Pixi-Book
heet “Dat Fest” un is een Gedicht, wo
een Jung sik de Sooken för een Fest tohoopsöcht
un allerhand Lüüd froogt.
Dor kummt denn to den Refrain jümmer
wat dorto – un an ’n End is dat Fest denn
komplett. Een “Wiehnachtsbook” dröff
in de Reeg natürlich ook nich fehlen –
mit söss wunnerschöne Wiehnachtsgedichten
för de ganz lütten Lüüd, so as
“Sünnerklaas” (Johann Beyer), “De
Snee” (Klaus Groth) oder “Wiehnachtsmann,
kiek mi an”.
66
Un denn gifft dat as Pixi-Book op Platt
natürlich ook noch “Mi-Nix Di-Nix Muusetähn”.
“Mi-Nix Di-Nix”, dat is een lütten
Poppenkerl meist so as de Pumuckel
ut ’n Fernsehn, un he hett ook jüst
so allerhand dumm Tüüch vör. He fritt
di to ’n Bispeel s’moorns dien Müsli op,
he aargert de Kaniken oder he hüppt
as dull op dien Programm-Knipser för
’t Kiekschapp rüm. To ’n Sluss schlöppt
de “Mi-Nix Di-Nix” to ’n Glück in sien
Bett in un so gifft dat denn doch een
Happy End mit em. Man de Geschicht
vun “Mi-Nix Di-Nix Muusetähn” is schön
vertellt. Opschreeven is se as een Gedicht
un för jedeen Strophe gifft dat een
Dubbelsied in dat Pixi-Book. De Biller
mit de Popp sünd wunnerbor treggmookt
– dat süht ut, as wenn he bi di
tohuus an ’n Gang is un dor sien Spijöök
mookt. För lütte Kinner is dat wiss
wat – weet de doch nipp un nau, dat sik
sowat nich unbedingt hüürt, wat “Mi-
Nix Di-Nix” so den ganzen Dag vörhett.
Jüst so as bi de hochdüütschen Pixi-Böker
kannst du vörn in ’t Book
dien Nomen rinschrieven, wiel
dat denn ook jedeen Bescheed
weet: “Düt lüttje Book höört: ...”
Heff ik denn ook gliecks mookt.
Un ik heff mi de söss Pixi-Böker
op Platt natürlich all op eenmol
bestellt. Nee, nich bloots för mi
alleen: För mien lütten Jung ook
gliecks mit; dat versteiht sik. Un
wenn de ook all sien Lieblingsbook
hett: Ik segg di, du weetst
gor nich, wo gau so ’n Pixi-Book
bi lütte Kinner dörleest is. Dorüm:
Ik bruuk vun de Pixi-Böker
op Platt wiss noch miehr vun! För
lütte Kinner un Plattdüütsch sünd
de genau dat Richtige!