3 - Academia de la Llingua Asturiana

Política llingüística
El Gobiernu asturianu acaba facer, dientru la Conseyería d'Educación y Cultura, una
estaya de ((Política Ll ingüística~.
Esti fechu consideráu namái en sí mesmu ye una bona anuncia, d'un llau porque s'entama
un camín pel que I'Academia rispiera; d'otru porque1 la persona escoyida dio, abenayá,
muestres favoratibles a la vindicación Ilingüística.
De toes maneres la esperiencia faimos tamién perafitamos na idea de qu'enxamás ye
granible, de mano, enfotase'n dellos xestos del poder darréu que, en delles ocasiones,
inxérense nellos llastimoses realidaes tapecíes.
Nun quixéramos qu'esta vegada a esi caricox d'csperanza lu matara un desencantu
más nesi camín Ilaráu de demandes insatisfeches, de recelos, de promeses ...
Abrir una estaya de política Ilingüística lleva darréu una esixencia de coherencia al
mesmu poder que la afita. Nun tendría xacíu facer propuestes dende una faza del Gobiernu
(dende la Conseyería) y caltener toles reserves práutiques dende la gran mayoría de les
conseyeríes del mesmu Gobiernu. Nun sería a entendese que se faigan iniciatives favoratibles
a la llingua dende un departamentu y que c'escaecieren nel que s'asitia al Ilau.
. .
L.Executivu asturianu nun podrá cayer na fuexa do! zoatr~! de !S \íindic8ci6!7 de la
llingua naguando per ralentizar un procesu fechu con más que sobraec poses. Torgar más
entá la escolarización, magar les perfavoratibles demandes d'esti cursu, nun ye d'aconse
yar pero nun s'encarar dafechu colos problemes de la normalización social (muérganos de
comunicación, toponimia, etc.) consideraráse niciu del ruin enfotu políticu que vien siendo
el so compangu.
La bona voluntá del Gobiernu, de toes maneres, verémosla darréu o nun la veremos:
los presupuestos de I'Academia serán niciu del enfotu Ilingüísticu o del enfotu por anubrir
un muérganu independiente, gracies a una oficina controlada pel partíu hexemónicu.
Una estaya de política Ilingüística ye daqué nuevo n'Asturies y tien qu'arresponder a
les necesidaes específiques de la llingua d'Asturies, mas atalantar que'l casu asturianu ye
únicu pue llevar a llamentables xuegos. Cuasimente nun hai un res qu'inventar: namái fai
falta acompasar otres esperiencies al nuesu ritmu porque la naturaleza de les coses ye la
mesma y el respir pel llogru d'una llingua asturiana, acordies colos cumales algamaos peles
otree del Estáu, tamién.