REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
banda de gaitas Xarabal, onde se observan todos os seus aspectos pero, indirectamente, está
contida no mesmo unha aproximación ao estudo da historia das bandas de gaitas galegas
(non só de Galiza) a través de Xarabal.
As etapas do traballo foron varias: nun primeiro momento me fixen co arquivo de
Antón Corral, onde atopei fotografías, recortes de prensa, programas de actuacións, fichas
dos compoñentes e diversos documentos referentes á banda. O arquivo de Antón Corral foi a
miña base e sobre a que montei case que todo o traballo. A continuación creei unha base de
datos cos compoñentes da banda (datos extraídos das fichas), a cal me facilitou moitísimo o
traballo á hora de facer o estudo das persoas que pasaron pola banda, os grupos que se
formaron a partires da mesma banda… O seguinte paso consistiu en establecer unha
cronoloxía coas actividades e accións máis importantes da banda ao longo da súa historia.
As dificultades chegarían ao intentar redactar as posibles orixes da banda de gaitas obxecto
do traballo, xa que a bibliografía é inexistente, polo que tirei de conversas con persoas
claves na creación e desenvolvemento das bandas de gaitas tanto en Galiza, como fóra dela,
sempre que foran importantes no desenvolvemento da historia destes colectivos. Os
principais informantes foron: Xosé Lois Miguélez, Manuel Brañas, Ignacio Ramos, Marcos
Campos, Emilio Romero, Roberto Cendón, Xaime Estévez, José Ares, Diego González
Mariño, Pedro Álvarez, Brea González, Sonia Sobral, Francisco José Iglesias, Iago Boente,
Cristian Silva, Ánxela Vidal, Charo Guerrero e Lorena Freijeiro.
A partires destas conversas, axudado por algún libro e revista con escasas referencias
a algunha formación deste tipo e axudado dunha ferramenta básica na actualidade, internet,
logrei facer un estudo histórico cronolóxico dende o 1975 até a actualidade. Atopei algunha
referencia anterior a este ano que aparece recollida no traballo e, en canto a actualidade, me
centrei nos aspectos máis relacionados con Xarabal.
Como xa antes fixen referencia, a bibliografía sobre as bandas de gaitas de Galiza ou
mellor dito, galegas, é inexistente polo que as miñas expectativas en canto ao
desenvolvemento dunha historia lóxica das mesmas eran escasas. As referencias que se
poden atopar en internet, tamén son escasas e, ás veces, contraditorias. Leveime unha grata
sorpresa ao ver que a xente colaborou de maneira moi positiva para este traballo,
informándome de todo o que sabían.
Os obxectivos cos que comecei este traballo son basicamente dous, os cales
poderiamos encaixar en dous bloques: por un lado, ao estar enmarcado dentro dunha
35