REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
♦ Síntomas cognitivos: aqueles pensamentos negativos que temos durante a nosa
execución musical ou incluso antes da mesma (ex. “non vou estar a altura”, “vaime
saír mal”, etc)
A intensidade de cada un destes síntomas varía dunha persoa a outra, e as reaccións
non están necesariamente vinculadas.
As causas polo que aparecen estes síntomas, podémolas dividir en tres: a persoa, a
tarefa e a situación. Por exemplo, canto máis difícil sexa a tarefa a realizar, maior
ansiedade provocará no intérprete, así como tampouco é o mesmo, tocar nunha aula de
ensaio, que nun auditorio de gran aforo.
Existen multitudes de tratamentos, para afrontar o medo escénico. Podemos
mencionar algúns dos mais coñecidos como: a técnica Alexander, exercicios aeróbicos,
expoñerse a situacións de interpretación, ioga, adestramento do control da ansiedade, etc.
Para Guillermo Dalia, é moi importante traballar nesta última técnica, xa que é fácil
controlar a resposta da ansiedade, antes de que alcance o seu nivel máximo. Desta forma,
comezaremos adestrándonos para recoñecer os primeiros síntomas de ansiedade. Despois
realizaranse exercicios, para relaxarse cada vez en menos tempo. Combinando estes dous
aspectos, conseguiremos facelo en menos de 30 segundos, unha vez esteamos ben
adestrados na técnica.
A ansiedade é considerada, xeralmente, como prexudicial, pero todo intérprete sabe
que certo nivel de excitación é beneficioso para a actuación. Xeralmente, a mellor execución
é a que se realiza cun nivel moderado de excitación.
O NERVIOSISMO E O SUBLIMINAR.
Para controlar o medo escénico, como xa escribín antes, existen moitas técnicas, pero
hai unha en especial que me chamou a atención. Esta técnica e bastante descoñecida, pero
non por iso deixa de ser interesante.
O termo subliminar ven do latín, e significa “por debaixo do umbral”. Con outras
palabras, son informacións que non vemos ou que non oímos de forma consciente, pero que
sen embargo existen e que por conseguinte pasan por debaixo do umbral da consciencia.
Este método consiste en gravar un texto que conteña suxerencias positivas, a un nivel
sonoro suficientemente baixo, para que se poida mesturar cunha música que o cubra
88