REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
Pensamentos como, “pasará algo e suspenderase” ou “igual estou enfermo e non podo ir”, só
serven para reforzar a nosa inseguridade. Evitaremos poñernos nerviosos mentres realizamos
os últimos ensaios, e mentalmente intentaremos imaxinar, que xa estamos no concerto.
Tamén é moi recomendable realizar algunhas probas nas que toquemos a obra de principio a
fin, como si estivéramos no escenario. Na enquisa realizada, podemos observar, que a
maioría dos enquisados opinan que descansar, tanto física ou mentalmente é a mellor
opción. Outros realizan diferentes tipos de actividades, como o deporte ou lectura, que
tamén serven para evadirnos e relaxarnos. A opción de estudar pasaxes, é un pouco menos
recomendada, xa que a estas alturas xa deben estar o bastante afianzados.
Tamén podemos dar algún consello sobre os momentos previos á interpretación.
Sempre é recomendable chegar con tempo o lugar da actuación, as presas o único que
traerán son nervios e ansiedade. Evitaremos estar practicando ou ensaiando ata o último
momento, isto non vai mellorar a nosa interpretación e produciranos maior inseguridade.
Será interesante realizar algunha actividade distractora e evitar falar e pensar na
interpretación.
Deberemos realizar un quentamento ou preparación previa, como a que realizamos
habitualmente, pero sen excederse, xa que é habitual que nos obsesionemos con algún
pasaxe ou característica técnica, podéndonos cansar demasiado. Evitar amigos de proba,
tamén pode ser beneficioso, xa que poden realizar comentarios, que nos fagan perder a
concentración. Un truco para evadirnos mentalmente da situación, é pensar no que vamos a
facer despois da actuación, intentando facelo de maneira positiva e con ilusión.
COMO COMPORTARSE NUN ESCENARIO
Antes de subirse a un escenario, ou presentarse diante dun tribunal, debemos pensar
como facelo, para que non sexa algo improvisado. O saír intentaremos mostrar unha actitude
de firmeza e confianza, evitando miradas esquivas, ou timidez. Mirar ó público ou ós
membros do xurado con seguridade e compracencia, sen chegar a ser desafiantes.
Ante un erro ou fallo, a mellor forma de reaccionar é non reaccionar e continuar;
por suposto, intentar non deterse, e ocorra o que ocorra non facer xesto de desaprobación ou
enfado. En ocasións percíbense máis os xestos de desconformidade do músico, que o fallo
en cuestión. E frecuente, que ante un erro, tensemos algún músculo involuntariamente. A
86