REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
A miña hipótese e que o intérprete debe coñecer toda a información posible da
interpretación antes de realizar a elección do repertorio, así como tamén ter en conta a
variedade de estilos e de épocas. Nunca debe de esquecer onde están os seus límites, e non
por querer maior espectacularidade, elixir obras de maior dificultade que nós estean
prexudicando pola súa dificultade técnica, deixando máis visibles as nosas debilidades que
as nosas virtudes.
A hora de organizar este repertorio, existe unha gran variedade de respostas dos
enquisados; a maioría coincide en que é necesario organizar o repertorio segundo o estilo ou
época, seguindo sempre un orde cronolóxico. Nunca debemos esquecer onde están os nosos
límites e de que resistencia gozamos, porque se gardamos a obra máis difícil para o final,
quizais esteamos minguados fisicamente, e non poidamos interpretala nas mellores
condicións.
Organizar o tempo de estudo
O tempo soe ser escaso para todos, por iso é necesario organizarse e non
desperdicialo xa que este non cesa de correr. Para conseguir isto teremos que ter en conta
moitos factores que poden prexudicar ó noso estudo e facer que non o esteamos a aproveitar
o cen por cen.
Segundo Bernabé Tierno antes de comezar calquera estudo deberemos estar
motivados e mostrar un certo interese ou desexo por afrontalo, deste xeito conseguiremos o
éxito cun menor esforzo. Despois disto o primeiro a ter en conta será a nosa condición física.
-Condición física
Se o noso corpo non está preparado para estudar será imposible avanzar e conseguir
o noso obxectivo a tempo. Este é un factor esquecido por moitos de nós, tendo unha grande
importancia para conseguir o éxito. A continuación veremos unha serie de consellos para
mellorar este aspecto, os cales deberíamos seguilos durante toda a nosa vida e non só en
épocas de estudo:
• Horas de sono: deberíamos durmir entre 7 e 9 horas diarias, xa que esta é a forma
máis natural de descansar e repoñerse do esgotamento cerebral e físico. Durmir dun tirón é
a mellor maneira de facelo, xa que así non nos levantaremos frustrados e inquedos.
80