REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
sempre explica que o nome se lle puxo pensando que os músicos dedicados ao folclore
galego corrían o perigo de desaparecer. Nome acertado, xa que daquela era difícil
permanecer neste mundo da música folclórica, pero ao mesmo tempo, o nome estaba moi
afastado do significado que adquiriría a banda dentro da cultura galega: difusora da cultura.
As gaitas coas que tocaban estaban construídas polos alumnos do obradoiro da
Universidade Popular. A mentalidade do seu director era moi aberta e se atreveu a introducir
instrumentos alleos á música tradicional como sintetizador, congas, bongos… Case dous
anos de duro traballo pasaron, até que o día 7 de xuño de 1986, apadriñada polo gaiteiro D.
Ricardo Portela, foi presentada en público na cidade de Vigo, nun auditorio único, o García
Barbón.
Volvendo cara atrás, no mesmo ano 1984 (meses antes da creación de Xarabal), nos
atopamos coa creación da banda de gaitas do Conservatorio de Vigo, en gran parte idea
continuadora da banda Raigames pero, neste caso, a dirección asumida por Xaime Estévez,
profesor do Conservatorio de Música de Vigo despois de Henrique Otero. Era unha
actividade vinculada ao conservatorio pero de maneira voluntaria. Por ela pasaron un total
de entre 40 e 50 compoñentes e o repertorio, basicamente estaba baseado en arranxos de
temas tradicionais feitos por Ernesto Campos, o director Xaime Estévez e Magoia Bodega.
Os seus anos de maior actividade foron entre o 1985 e o 1987, chegando a gañar un
concurso de bandas de gaitas no 1985. Por desgraza, nunca realizou ningún traballo
discográfico. No ano 1988, ao deixar o conservatorio o mestre Xaime Estévez, a banda se
disolveu.
Algo moi similar ao que ocorrera en Vigo no ano 1984, ocorreu en 1985 en dous
puntos da xeografía da provincia da Coruña. Concretamente en Cedeira e Santa Uxía de
Ribeira. Foi un ano produtivo para as bandas de gaitas galegas. En Cedeira se crearía a
banda de gaitas Robaleira, cun estilo moi semellante ao de Xarabal, onde as combinacións
de instrumentos propios e alleos, enriquecían a súa música. O mesmo sucedería en Santa
Uxía de Ribeira, onde nacería a banda Ancoradoiro, baixo a dirección de Pepe Romero, a cal
acadaría unha fama moi notable no panorama musical galego, non só polo seu espectáculo
(da mesma índole que Xarabal), senón tamén pola súa produción discográfica (“Sui
Generis” foi un gran referente para a música de bandas de gaitas de Galiza durante moitos
anos). Actualmente, a banda Ancoradoiro non está activa, xa que se disolveu no ano 1999.
39