REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
• Alimentación racional: é importante seguir unha dieta alimenticia equilibrada, así o
noso corpo non sufrirá carencias que poidan prexudicar ó noso estudo. Evitar as comidas
abundantes, xa que alteran o noso sistema, e intentar comer regularmente, unhas 4 ou 5
comidas o día.
• Exercicio físico: a práctica habitual favorece a forma física tanto corporal como
intelectual. O máis importante é a constancia e non a cantidade, xa que a finalidade é un
mantemento, non unha perfección física. Se o exercicio se realiza o aire libre e en contacto
coa natureza moito mellor, xa que contribúe a relaxar o noso sistema nervioso.
Planificación do estudo
Despois de intentar conseguir todo isto será necesario organizar e planificar o noso
estudo. O mellor sería facelo por escrito, realizando un horario ou plan de estudos xxiii ,
marcando o tempo que dedicaremos a cada obra, exercicios ou o quentamento. Isto
axudaranos a levar un maior control e evitar que nos esqueza facer algo en calquera
momento. A vida de hoxe en día tennos moi atarefados para saber con antelación o que
vamos facer dentro de 3 semanas, aínda así intentaremos facelo polo menos semanalmente.
Debe ser flexible, xa que se é moi estrito será difícil levalo a cabo.
Para realizar este horario ou plan de estudos, teremos que ter as obras escollidas e
saber a que situación interpretativa nos enfrontamos, porque non será o mesmo preparar
unha interpretación de 45 minutos, que realizar unha preparación para demostrar todas as
nosas calidades en 5 minutos. No primeiro caso, traballaremos máis a resistencia para
conseguir que as nosas capacidades aguanten ó cen por cen o maior tempo posible; no
segundo caso importará máis que todo saia ben á primeira, xa que teremos pouco tempo e
non poderemos cometer ningún erro neste breve espazo.
Por outra banda, tamén inflúe o entorno en onde desenvolvemos o noso estudo. Por
norma xeral deberemos intentar buscar un lugar onde poidamos estar sos e sen que ninguén
nos moleste. Tamén buscaremos un lugar cunha temperatura agradable e iluminación
axeitada, se fora posible con luz natural. Unha temperatura baixa produce inquietude e
nerviosismo e pola contra unha alta produce inactividade e somnolencia.
Agora ben, antes de comezar a estudar, sería interesante facer algún exercicio de
relaxación e concentración para prepararnos mentalmente para o traballo que realizaremos.
Desta forma aproveitaremos mellor o tempo, estaremos máis concentrados. Estes exercicios
81