REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
ter preparado algunha actividade lúdica para despois do concerto, que poidamos compartir
coa nosa xente e desfrutar dela. Inevitablemente faranse comentarios do concerto, pero non é
conveniente excedernos neles.
Por outra banda, existen dúas maneiras de aprender da nosa interpretación, unha vez
pasado o momento, e xa recuperados das emocións; podemos analizar o ocorrido ou
criticalo. Entenderemos por analizar, ver aquelas cousas que fixemos ben, todo o positivo,
para que na seguinte audición se repita, e entenderemos por criticar, ver aquelas cousas que
nos saíron mal, todo o negativo. O mellor será combinar as dúas opcións, aínda que
normalmente os músicos solemos quedarnos criticando todo o ocorrido, sen ver nunca o que
nos saíu ben. Segundo Unai Urretxo, debemos facer máis fincapé nas cousas positivas, para
crear un vínculo, entre a interpretación e o positivo, deste xeito tamén conseguiremos
evolucionar paulatinamente, conseguindo evitar pensamentos negativos de situacións
interpretativas.
IMAXE PERSOAL
Como te ven, trátante. Aparencia persoal
A imaxe persoal e a nosa tarxeta de visita, aínda que as persoas teñamos outros
moitos valores, a primeira impresión é fundamental. O primeiro que percibirá un xurado ou
un público de nós, será a nosa forma de vestir e o noso comportamento e modais. Por iso é
importante coidalos o máximo para non empezar con mal pé. Un dito popular reza:
“Recíbente segundo te presentas e despídente segundo te comportas”, no mundo da música
a segunda parte podémola cambiar por “segundo interpretas”, pero non deixa de ser
importante a primeira.
Na enquisa, case un 70 por cen dos enquisados responde que varía a súa imaxe
persoal, cando teñen que realizar unha interpretación. Como vemos é algo importante e que
se ten en conta, pero agora ben, ¿estaremos mostrando a imaxe que nós queremos?.
Sobre este aspecto hai milleiros de libros e artigos escritos, pero vamos a centrarnos
no básico, para conseguir non causar unha mala impresión.
Primeiramente intentaremos buscar unha aparencia sinxela e cómoda, que non nos
incomode a hora de interpretar. Despois, a criterio de cada persoa, elixiremos o estilo co que
90