REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
única forma de evitar isto e ensaialo e practicalo previamente. De todas formas, se nos
concentramos en desfrutar, moitas destas reaccións pasarannos desapercibidas.
Durante a actuación, non podemos estar atendendo á execución, á parte técnica e á
vez emocionarnos coa nosa interpretación. Por iso e necesario ir preparado tecnicamente,
para non ter isto en conta a hora do concerto. De esta forma, poderemos dedicar o cen por
cen da nosa atención a execución e a desfrutar.
Teremos coidado coa comunicación non verbal, xa que sen darnos conta podemos
facer xestos que vaian en contra do que pretendemos. Todo isto será tratado en profundidade
no último punto.
Independentemente do ocorrido na interpretación, temos que mostrar seguridade á
hora de despedirse e saír do escenario, saudando ó público ou ó tribunal coa mesma
seguridade que cando entramos. No caso de que houbera aplausos, responderemos con
movementos leves de cabeza, cun leve sorriso a modo de agradecemento. Se o resultado da
nosa actuación non nos convenceu, ou non nos gustou, non temos que demostralo de
ningunha maneira na despedida.
MEDO ESCÉNICO
A ansiedade que xera ter que realizar unha actuación, está presente na maioría dos
músicos, a diferenza, é que non todo o mundo reacciona do mesmo modo. Nos últimos anos
esta moi en auxe este tema, e realízanse multitude de cursos, que serven para coñecer as
causas e os tratamentos, do que coñecemos como medo escénico.
Entre os enquisados, case a metade deles, fixeron algún tipo de traballo relacionado
con isto. Isto reafirma o interese por mellorar neste aspecto, xa que moitos músicos, ven
prexudicadas as súas interpretacións por este factor.
Os síntomas son coñecidos por todos, e clasifícanse en tres tipos:
♦ Síntomas fisiolóxicos: esas sensacións físicas tan molestas que dificultan a nosa
execución musical (taquicardia, sudoración, tremores, etc).
♦ Síntomas motores: todas as condutas que realizamos para, ou ben evitar a situación
(ex. non tocar en público), ou ben tratar de “escapar” unha vez que estamos na
interpretación, facendo algo que nos proporcione certo alivio (ex. non mirar o
público).
87