REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
UN MÚSICO COMPLETO: NON TODO É TOCAR
AUTOR: JUAN PORTELA VARELA ( 1ª MENCIÓN DE HONOR)
DIRECTOR: JESÚS VICENTE MONZÓ
RESUMO
Ó longo desta investigación, intentarei afondar nos aspectos que poden influír en
aquilo que chamamos “Interpretación Musical”, e non tódolos aspectos son musicais, senón
que existen moitos que non están relacionados coa música directamente. Algúns dos máis
importantes van dende a imaxe persoal ata o medo escénico, pasando pola organización do
tempo de estudio e do repertorio.
Tentarei profundizar nestes aspectos, dos que non existe moita bibliografía pero que
eu considero moi importantes, xa que poden ser determinantes nunha boa interpretación
musical. Se temos presentes todas estes pequenos detalles e os coidamos ó máximo
poderemos chegar a ser grandes intérpretes, porque como lle oín dicir a un gran músico e
trombonista: “non todo é tocar”.
PALABRAS CLAVE:
Elección do repertorio – Medo escénico – Imaxe persoal – Días previos – rutina.
INTRODUCIÓN:
Débese ter consciencia, de que no mundo da música non só o importante é tocar.
Aínda que esta faceta abarque unha gran porcentaxe, existen outros aspectos minoritarios
que poden ser determinantes á hora de conseguir un posto de traballo, ou pasar unha proba.
76