REVISTA DIAPENTE Nº 1

Nº 1 REVISTA DIAPENTE. CONSERVATORIO SUPERIOR DE MUSICA DE VIGO. ABRIL 2011
web: http://www.diapente.es/ Email: cmus.vigo@edu.xunta.es
“Most of my ideas come from many years of playing and teaching combined with all
the wonderful contacts I have had with different experts on these matters during my career.
It’s a combination of the ideas which have helped me to come to where I am right now.”
Coñecendo a importancia que lle dan tódolos profesionais á rutina deberíamos,
despois de ter elixido o repertorio para unha interpretación realizar unha rutina acorde co
que imos a traballar, para potenciar todos aqueles aspectos xa dende o quentamento.
A técnica ó servizo da interpretación.
En consonancia co punto anterior, este apartado explicaranos a importancia de ter
unha técnica correcta e perfeccionada. Non nos podemos limitar soamente a realizar unha
rutina e a traballar o repertorio, porque se non quedarían ocos baleiros, que máis tarde
botaremos en falla.
Cando eliximos o repertorio temos que ser conscientes da súa dificultade técnica e
das nosas limitacións. É necesario que saibamos se imos ser quen de superar estas
dificultades dunha maneira solvente, ou pola contra, nos van a prexudicar na nosa
interpretación. Por exemplo, se o repertorio obrigado dunha audición é dunha dificultade
técnica elevada, sería máis sensato deixar pasar a oportunidade, e presentarse cando teñamos
a seguridade de poder abordala. Aínda que neste aspecto moita xente opina o contrario e
baséanse en que non temos nada que perder se nos presentamos. De todas formas o mellor
sería estudar o caso detidamente. Podendo tamén pedir consello os nosos mestres ou
compañeiros que teñan máis experiencia.
No que coincide a maioría é que o primeiro que se debe facer, é unha perspectiva
xeral da obra atopando as dificultades técnicas, para así poder enfrontarse a elas e superalas
antes de abordar toda a obra. Despois trataremos estás dificultades con estudos, métodos ou
exercicios, acordes có problema para paulatinamente mellorar esa calidade técnica. Por
exemplo, no caso do vento metal, se nunha obra necesitamos empregar moito dobre ou triple
picado, buscaremos estudos ou exercicios que traballen este aspecto en profundidade para
desenvolvelo correctamente.
Este feito coñécese como práctica “indirecta” onde se abordan os problemas máis
persistentes atacando á raíz para así remedialo. Alfred Cortot desenvolve este método,
creando unha serie de exercicios preliminares ós estudos de Chopin, para así preparar ó
intérprete. Segundo el “non se debería practicar o pasaxe difícil, se non a dificultade que
contén”.
83