Anthologia latina sive poesis latinae ... - Centro Michels

162 CARMINA CODICIS ISIDORIANI BELLOVACENSIS
713
B. II 177. M. 255 ALCIMI
de Vergilio et Homero
Maeonio uati qui par aut proximus esset,
Consultus Paean risit et haec cecinit:
Si potuit nasci, quem tu sequereris, Homere,
Nascetur, qui te possit, Homere, sequi.
714
B. III 212 M. 258 EIVSDEM
blandos oculos et inquietos
Et quadam propria nota loquaces!
Illic et Venus et leues Amores
Atque ipsa in medio sedet Voluptas.
715
B. III 211. M. 257 EIVSDEM
Lux mea puniceum misit mihi Lesbia malum:
lam sordent animo cetera poma meo.
Sordent uelleribus hirsuta cydonia canis,
Sordent hirsutae munera castaneae;
Noio nuces, Amarylli, tuas nec cerea pruna:
Rusticus haec Corydon munera magna putet.
Horreo sanguineo male mora rubentia suco: -
Heu graue funesti crimen amoris habent!
Misit dente leui paulo libata placentae
Nectare de labris dulcia membra suis.
Nescio quid plus melle sapit, quod contigit ipsa,
Spirans Cecropium dulcis odore thymum.
713. Virgilio S. 3 Si] Ni Bueck. — 714. 1 et] nec
Buech. infacetos S inquietos Bin. num infucatos? 2 Set
Buech. — 715. 1 misi tibi S 3 cidonia S 5 amarilli aS
Gaerea S 6 corido S 7 succo S 9 misi S placenta S
placentae Munera cj. Bin. membra S mella Bin. an mixta uel
compta? 11 qui Mey. 12 caecropium S thimum S.