Anthologia latina sive poesis latinae ... - Centro Michels

CARMEN
CODICIS BIBL. ANGELICAE
B. M. - 735
Versus in capite Sedulii scribendi
Romulidum ductor, clari lux altera solis,
Eoa qui regna tenes moderamine iusto,
Spes orbis fratrisque decus: dignare Maronem
Mutatum in melius diuino agnoscere sensu,
Scribendum famulo quem iusseras. hic tibi mundi 5
Principium formamque poli hominemque creatum
Expediet limo, hic Christi proferet ortum,
Insidias regis, magorum praemia, doctos
Discipulos pelagique minas gressumque per aequor:
Hic fractum famulare iugum uitamque reductam 10
Vnius crucis auxilio, reditumque sepultae
Mortis et ascensum pariter sua regna petentis.
Haec relegas seruesque diu tradasque minori
Arcadio, haec ille suo generi; haec tua semper
Accipiat doceatque suos augusta propago. ^^
735. Cod. bihl. Angelicae ^ saeculi circiter X' post Fulgentium
mythologum plures uersus miscellaneos continet^ in his sexto
loco c. 733 hoc iitulo ^Versus in capite Sedulii scribendi.'
cf. Mignius patrol. t. XIX p. 452. 773. Non ad Sedulium, sed
poiius ad Probae Faltoniae aliosue Christianos centones pertinere
uidetur. Dedicatio ad Theodosium Augustum uulgo. 1 Romulei
cod. Bandinii 2 Eoum uel Eoi uulgo Eoa cod. 5 iussisti
uulgo 10 fructum cod.^.em. Buech. fluctum uel fluctuum
edd. 14 haec legat ille Roscius generi edd. semini cod. fort.
recte.