Beoogde Opgradering van PPC se Bestaande

More documents

Recommendations

Info

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap: Konsep Omgewingsinvloedbepalingsverslag UITVOERENDE OPSOMMING Vlakkerug stortingsterrein alternatief V3 Die bestaande stortingsterrein sal by wyse van 60 Mt afvalrots na die suid-ooste tot ŉ hoogte van 260 m bgsv vergroot word. Die oostelike helling sal minder steil wees, met ŉ gradiënt van 1:7. Suidelike stortingsterrein Figuur 7: Vlakkerug stortingsterrein: Alternatief V3 – 3-D model Rehabilitasie sal terselfdertyd as die stortingsproses plaasvind. Afvalrots sal op die oppervlakte gestort word om ŉ buitenste berm te vorm, wat dan gerehabiliteer sal word om die moontlike stof en visuele impakte van die storting van afvalrots te verberg. Die stortingsterrein vir afvalrots sal dan teruggevul en in fases tydens die ontginningsproses gerehabiliteer word – hetsy vir die verbouing van koring of met inheemse plantegroei. Aktiewe aansig R311 Delectus Berm Vlakkerug sortingsterreinV3 Gerehabiliteer deur die aanplant van koring Figuur 8: ŉ Aansig na ŉ gedeelte van die gerehabiliteerde stortingsterrein (rooi gebied in die middel) by PPC Riebeeck, met die ongerehabiliteerde stortingsterrein aan die linkerkant en die grys-geel onversteurde grond aan die regterkant 12
Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap: Konsep Omgewingsinvloedbepalingsverslag UITVOERENDE OPSOMMING REGSVERPLIGTINGE Die beoogde opgradering is onderhewig aan ŉ OIB-proses wat ten doel het om haalbare en redelike projek-alternatiewe te identifiseer en te beoordeel, asook moontlike impakte en geskikte mitigasiemaatreëls. Mitigasiemaatreëls is daarop gerig om die negatiewe impakte te vermy of te voorkom, en terselfdertyd die positiewe impakte van die beoogde opgradering te verbeter. Die beoogde opgradering het tot gevolg dat daar aansoek gedoen moet word vir ŉ Lugvrystellingslisensie (LVL) en ŉ Afvalbestuurslisensie (ABL), asook vir die OIB-proses. Een gesamentlike proses sal dus gevolg word om aan die regsverpligtinge van elke aansoek te voldoen. Verwys na Figuur 10 hieronder waarop dit grafies aangedui word. Wet op Nasionale Omgewingsbestuur, Wet Nr. 107 van 1998 (WNOB) Die beoogde opgradering het verskeie werksaamhede tot gevolg wat in terme van die Wet op Nasionale Omgewingsbestuur (Nr. 107 van 1998) (WNOB) se Omgewingsinvloedbepalingsregulasies (OIB-regulasies) (18 Junie 2010, soos gewysig) gelys is, naamlik: Die verlegging van strome/ waterweë op terrein a.g.v. die stortingsterrein vir afvalrots; Buitediensstelling van bestaande oonde en verwante infrastruktuur, wat ou dieseltenke insluit); Berging van bykomende gevaarhoudende stowwe (bv. diesel) op terrein; en Die verkryging van ŉ LVL en ABL onderskeidelik kragtens die WNO: LK en die WNO: AB. Dit sluit in die gelyste bedrywighede 11, 13, 18, 22, 23, 27, 28, 40, 42 en 47 in Kennisgewingslys 1 (R544 van die 2010 OIB-regulasies); bedrywighede 15 en 26 in Kennisgewingslys 2 (R545 van die 2010 OIB-regulasies); en bedrywighede 4, 10, 12, 13, 14, 16, 23 en 24 in Kennisgewingslys 3 (R546 van die 2010 OIB-regulasies). PPC moet gevolglik, by wyse van ŉ OIB-proses, toestemming van die bevoegde (provinsiale) omgewingsowerheid, die DOS&OB, kry voordat die bestaande aanleg opgegradeer kan word. ŉ Gewysigde OIB-aansoek is by die DOS&OB ingedien. Wet op die Nasionale Omgewing: Lugkwaliteit, Wet Nr. 39 van 2004 – WNO: LK As gevolg van die toename in gebruik van OSK, slak en vlieg-as in die proses, is die volgende kragtens Artikel 21 van die WNO: LK op PPC van toepassing: Sub-kategorie 5.4: Vervaardiging van sement (gebruik van alternatiewe brandstof en/of hulpbronne) as gevolg van OSK en die beoogde gebruik van slak en vlieg-as as grondstowwe in die sementvervaardigingsproses. PPC moet dus aansoek doen vir ŉ Lugvrystellingslisensie (LVL) by die lisensiërende owerheid, naamlik die Weskus Distriksmunisipaliteit, sodat dit kan voldoen aan die toename in kapasiteit wat die opgradering tot gevolg het. Wet op die Nasionale Omgewing: Afvalbestuur, Wet Nr. 59 van 2008 – WNO: AB PPC is van voorneme om OSK, slak, en vlieg-as vanaf ander nywerhede in hulle sementvervaardigingsproses te gebruik. Bergingsfasiliteite (silo‟s) is nodig vir die stoor van slak en vlieg-as. PPC is ook van plan om die bestaande twee oonde en skoorstene af te breek, sowel as enige verwante ou nywerheidstoerusting soos ou brandstoftenks. Dit beteken dat gelyste bedrywighede soos vervat in die WNO: AB van toepassing is, insluitende werksaamhede 1, 5, 8, 9, 14, 18, 19 en 20 13
Page 1 and 2: OMGEWINGSINVLOEDBEPALINGSPROSES VIR
Page 3 and 4: Beoogde Opgradering van PPC se Best
Page 9 and 10: DIENSTE Beoogde Opgradering van PPC
Page 11: Beoogde Opgradering van PPC se Best
Page 23 and 24: Figuur 10: Bestaande uitsig vanaf K

Beoogde Opgradering van PPC se Bestaande

You also want an ePaper? Increase the reach of your titles

Delete template?

Save as template?