Beoogde Opgradering van PPC se Bestaande

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap:
Konsep Omgewingsinvloedbepalingsverslag UITVOERENDE OPSOMMING
Daar is bevind dat alternatief V3 visueel meer aanvaarbaar is omdat die ontwerp van die afvalrotshope
inpas by die omliggende koringlande. Figure 10 en 11 is ʼn fotosamestelling van die beoogde
veranderinge aan die terrein, soos vanaf Kasteelberg gesien.
Impak op nywerheidserfenis
Die beoogde opgradering bring mee die afbreek van die twee bestaande sementoonde en die verwante
uitlaatskoorstene wat, as gevolg van die ouderdom daarvan, as deel van Suid-Afrika se
nywerheidserfenis beskou word. Geen van die geboue en infrastruktuur wat betrekking het op die
vervaardiging van sement by PPC Riebeeck is voor 1959 gebou nie. Dit is minder as 60 jaar oud en
dus nie beskerm nie. Die oonde is nie uniek aan Suid-Afrika of elders nie, en geen
seldsaamheidswaarde kan aan die oonde geheg word nie. Die vrystellingskoorstene is egter wel
visuele simbole van nywerheidswerksaamhede. Die erfenisinvloedbepaling het bepaal dat die
nywerheidstrukture geen argitektoniese of estetiese betekenisvolheid het nie, maar wel die
belanbgrikeid van sement in Suid-Afrika se ekonomie simboliseer.
Impak op vervoer
Die beoogde opgradering beteken dat meer SVe van die streek se paaie gebruik sal maak, wat die
gemiddelde daaglikse verkeersvolumes op die bestaande padnetwerk sal verhoog. Vanuit ʼn
verkeersoogpunt word die huidige padnetwerk teen ʼn aanvaarbare vlak bedryf (behalwe vir die pad
deur Malmesbury) en kan dit tot in die afsienbare toekoms (2030) die geval wees. Die verwagte
toename in SVe wat die beoogde opgradering tot gevolg het, kan sonder enige mitigasie by die
huidige vervoerstelsel geakkommodeer word. PPC se verbintenis tot die herleiding van enige
bykomende verkeer (bo die 2007-vlak) noordwaarts via die R311, beteken dat die opgradering nie die
waargenome oorlas van PPC se swaarvoertuie in die dorpe Riebeek Kasteel en Riebeek-Wes sal
verhoog nie. Daar moet in ag geneem word dat die volume verkeer op die R311 deur die dorpe teen
ongeveer 3% per jaar groei (dit is op beide swaar en ligte verkeer van toepassing). Die persentasie
PPC-verkeer verteenwoordig tans 2% van alle voertuigverkeer, en ongeveer 32% van alle
vragmotorverkeer wanner die aanleg en verspreidingsnetwerk op vermoë bedryf word. Aangesien
daar geen toename in PPC se swaarvoertuigverkeer suidwaarts op die R311 sal wees nie, sal die
persentasie PPC-vragmotors mettertyd eintlik afneem in ooreenstemming met die algemene toename
in agtergrondverkeer.
Interne paaie: Afhangende van die welke van die Vlakkerug-alternatief vir die storting van afvalrots
gekies word, sal die proklamasie van die MR346 moontlik hersien moet word omdat die pad
waarskynlik verlê sal moet word. Kennis is geneem van die feit dat die MR346 nie die enigste
toegang tot omliggende plase verskaf nie, en dat Sekondêre Pad 348 (wat Sekondêre Paaie 344 en 349
met mekaar verbind) alternatiewe toegang kan verleen.
25