Beoogde Opgradering van PPC se Bestaande

More documents

Recommendations

Info

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap: Konsep Omgewingsinvloedbepalingsverslag UITVOERENDE OPSOMMING Impak van stof op die omliggende lugkwaliteit 41) PPC moet voortgaan met die bestaande moniteringsprogram vir stofneerslae en PM10 hierby insluit. 42) Voorraadhope vir grondstowwe (sand, kalksteen en steenkool uitgesluit) met bedek word om stof te beheer en te verminder. 43) Beheer vrystellings vanaf die vergruising- en graderingsproses. 44) Probeer die afstand vir die vervoer van grondstowwe binne die myn so kort as moontlik te hou. 45) PPC moet die huidige praktyk behou om water op grondpaaie te spuit en vrystellings met ten minste 75% te beheer. 46) PPC moet tydelike (bv. besproeiing, chemiese onderdrukking, die oprigting van windskerms en operdploeg) en langtermyn (bv. die hervestiging van plantegroei) stofbekampingsmaatreëls op die oppervlakte van afvalrotshope instel. 47) Voertuig-wasfasiliteite moet voorsien en benut word om sementstof van voertuie af te was voordat dit die terrein verlaat. 48) PPC moet seker maak dat die sakfilterstelsel doeltreffend onderhou word. 49) PPC moet aktief bly deelneem aan die Weskus se Lugkwaliteitsforum en met die munisipaliteit in gesprek tree oor die bestuur van lugkwaliteitsimpakte op die streek. Inligting wat deur die montering van stofneerslae en PM10 bekom word, moet aan die munisipaliteit beskikbaar gestel word om lugkwaliteitsbestuur in die streek te bevorder. Impak op omringende geraaskwaliteit 50) Geen storting moet saans (10nm tot 6vm) op die Suidelike stortingsterrein vir afvalrots (SVA) toegelaat word nie. 51) Die storting van afvalrots by die Suidelike SVA moet begin met die bou van ŉ buitenste wal in die rigting van Ongegund. Dit moet verkieslik 15 m hoog en nie minder as 10 m wees nie. Die wal moet gerehabiliteer word soos wat dit in hoogte toeneem. 52) Die storting van afvalrots by die Vlakkerug SVA moet begin met die bou van ŉ buitenste wal in die rigting van PPC se noordelike grens. 53) Geraas moet jaarliks by plekke binne of op die buitenste rant van die terrein gemonitor word, sowel as by Ongegund en die grens van die Du Toit-eiendom. Die monteringspunte moet gekies word in samewerking met die aangrensende grondeienaars. Indien geraasvlakke voorkom wat die stedelike riglyn van 45 dB(A) oorskry, moet bykomende mitigasiemaatreëls onder leiding van die plaaslike owerheid toegepas word aangesien hulle die owerheid is wat die mandaat het om geraas-verwante aangeleenthede aan te spreek. 54) Die resultate van die geraasmonitering moet aan PPC se Omgewingsbelangeforum beskikbaar gestel word, en op skriftelike versoek vanaf die publiek. 55) Maak seker dat PPC se OBS en OBPV voorsiening maak vir geskikte teikens en aksies vir die vermindering van geraas en dat dit ingesluit is in die aanleg se moniteringskedule (gebaseer op die jaarlikse moniteringsopname). Impak op akwatiese ekologie 56) PPC moet die plantlewe op die oewersone behou: ten minste 25 m weerskante van die strome op PPC se eiendom, en 30m rondom enige vleiland of fontein (die goedgekeurde stroomverleggings uitgesluit). 30
Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap: Konsep Omgewingsinvloedbepalingsverslag UITVOERENDE OPSOMMING 57) Uitheemse indringerplante moet gereeld vanaf oewersones verwyder word en, waar nodig, met inheemse oewerplante beplant word. Hierdie moet in PPC se OBS vervat word sodat dit toegepas kan word. 58) PPC moet die Stormwaterbestuurskontroles in die OBPV toepas, en elke tweede jaar geoudit word soos voorgeskryf deur die DMH. 59) PPC moet jaarliks ŉ oefening koördineer om, tesame met die watergebruikers en grondeienaars stroomop en stroomaf, indringerplante te verwyder uit en naby strome wat deur hulle bedryf beïnvloed word. PPC sal verantwoordelik wees om met bure in gesprek te tree en hulle samewerking te verkry met die uitroei van indringerplante, die instel van goeie bestuurspraktyke, en die kweek van ŉ bewustheid oor die ekologiese gesondheid van strome. Impak op landelike flora 60) Daar moet ŉ bestuursplan vir die Renosterveldgebied met behulp van ŉ toepaslik-gekwalifiseerde botanis uitgewerk word, en die volgende aspekte (maar nie beperk hiertoe nie) moet ingesluit word: a. Jaarlikse uitroei van uitheemse indringerplantegroei b. Gekontroleerde brande in die herfs (8 – 15-jaar siklus) c. Weidingsplan 61) Alle hellings wat te steil is vir die kommersiële verbouing van graan (steiler as 1:7) moet met ŉ geskikte mengsel van Renosterveld gerehabiliteer word. 62) Alle rehabilitasie van afvalrots met inheemse plantegroei moet elke twee jaar deur ŉ professionele botanis gemonitor word, en die benadering moet verander word indien nodig. 63) ŉ Ervare restorasie-ekoloog moet geraadpleeg word rakende enige gebied waar afvalrots met inheemse plantegroei gerehabiliteer word. 64) ŉ Plan moet opgestel word vir die deurlopende verwydering van uitheemse indringerplante op herbeplante stortingshope. Vervoer 65) PPC moet die aansluiting van die R311-kruising met die toegangspad na PPC se terrein opgradeer en voorsiening maak vir ŉ regs-afdraaibaan vir voertuie wat vanaf Riebeek-Wes na die terrein toe afdraai. Die ontwerp hiervan sal deur die provinsiale padowerheid goedgekeur moet word, en sal moet voldoen aan die ontwerpvereistes vir hierdie tipe kruising. 66) PPC moet verseker dat die huidige verdeling tussen die gebruik van pad- en spoorvervoer so ver as prakties moontlik behou word. 67) PPC moet alle bykomende PPC-verwante vragmotors (bo die 2007-vlak) herlei om van die R311 noord gebruik te maak. Dit sal beteken dat die status quo vir PPC vragmotorverkeer deur Riebeek-Wes en Riebeek Kasteel behou word. 68) PPC moet ŉ maatreël instel om die in- en uitry van PPC se SVe na en van die aanleg te monitor en daaroor verslag te kan lewer om sodoende te verseker dat PPC sy onderneming nakom om alle nuwe/bykomende PPC-verwante vragmotorverkeer noordwaarts weg van Riebeek-Wes en Riebeek Kasteel te herlei. 69) Indien PPC sand bekom vanaf ŉ bron suid van die aanleg en die sand dus per pad deur Riebeek-Wes en Riebeek Kasteel vervoer moet word, moet PPC ŉ ooreenstemmende aantal sementafleweringsvragmotors weg van die suidelike roete na die noordelike roete herlei sodat die status quo (2007-vlak) behou kan word. 31
Page 1 and 2: OMGEWINGSINVLOEDBEPALINGSPROSES VIR
Page 3 and 4: Beoogde Opgradering van PPC se Best
Page 9 and 10: DIENSTE Beoogde Opgradering van PPC
Page 23 and 24: Figuur 10: Bestaande uitsig vanaf K
Page 29: Beoogde Opgradering van PPC se Best

Beoogde Opgradering van PPC se Bestaande

Create successful ePaper yourself

Delete template?

Save as template?