Beoogde Opgradering van PPC se Bestaande

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap:
Konsep Omgewingsinvloedbepalingsverslag UITVOERENDE OPSOMMING
Newe-produkte / debat oor afval en die status van OSK
Daar is onlangs gedebatteer en besprekings gehou oor die status van die OSK wat PPC van ander
nywerhede soos Mittal bekom. Die DOS&OB het bevestig dat OSK 'n produk is wat spesifiek vir die
sementbedryf vervaardig word, en dat dit dus nie as ʼn afvalmateriaal beskou word nie. PPC is ook
van voorneme om ander afval-/neweprodukte soos slak en vlieg-as vanaf ander nywerhede te bekom
vir die gebruik daarvan in sy sementvervaardigingsproses. Die klassifikasie hiervan as ʼn afvalproduk
(of nie) is tot op datum nog nie deur die DOS&OB bevestig nie. Hierdie grondstowwe is dus ingesluit
as deel van die aansoek vir ʼn WBL.
Omgewingbestuursprogramverslag (OBPV) vir Mynbou en Geïntegreerde Watergebruikslisensie
(GWGL)
OBPV
Die myn op PPC Riebeeck se eiendom is deur die Departement van Minerale Hulpbronne (DMH)
goedgekeur. Die vereiste Omgewingbestuursprogramverslag (OBPV) – kragtens die Wet op die
Ontwikkeling van Minerale en Petroleumhulpbronne, 2002 (Nr. 28 van 2002) (WOM&PHB) – is
tydens die “Se Kïka”-OIB-proses gewysig om die hersiene benadering vir die benutting van die
minerale hulpbronne aan te dui. As gevolg van die feit dat die “Se Kïka”-projek teruggetrek is,
hersien PPC tans die huidige goedgekeurde OBPV sodat dit die veranderinge in die bedryf aanspreek.
PPC stem saam met die DMH dat PPC se Omgewingsbelangeforum die geskikte forum is om die
veranderinge aan die OBPV meet te bespreek. Hierdie veranderinge is op 19 Mei 2011 met PPC se
Omgewingsbelangeforum bespreek. Die veranderings aan die OBPV val buite die omvang van
hierdie OIB-proses.
WGL
PPC Riebeeck beskik tans oor ʼn watergebruikslisensie (WGL) vir die huidige werksaamhede by
Riebeeck. Die beoogde opgradering vereis wysigings/ veranderings aan die huidige WGL vir die
tydsduur van die opgegradeerde aanleg, en PPC sal daarvoor aansoek doen soos nodig. PPC is van
voorneme om aansoek te doen vir die verlegging van twee dreineringslyne/ waterweë sodat afvalrots
gestort kan word. Die opdatering van die WGL val buite die omvang van hierdie OIB-proses, en PPC
sal dit in hul breëre raamwerk vir projekbeplanning aanspreek. Die impakte van die beoogde
opgraderingsprojek op die verskillende watergebruike sal egter wel in die OIB-proses aangespreek
word en die Departement van Waterwese (DWW) sal met elke wateraangeleentheid geraadpleeg
word. Die kommentaar van die DWW sal by die OIB-dokumentasie ingesluit word en by
besluitneming in ag geneem word.
OMVANG VAN DIE OIB
Oorweging van Alternatiewe
Die WNOB vereis dat alternatiewe tydens die OIB-proses oorweeg moet word. Die
Omvangbepalingsproses aan die begin van die OIB word gebruik om die omvang van en benadering
tot die OIB-proses te bepaal. Die Omvangbepalingsfase gee dus rigting aan die OIB om te verseker
dat slegs betekenisvolle kwessies en redelike alternatiewe tydens die OIBV-fase omvattend ondersoek
15