Beoogde Opgradering van PPC se Bestaande

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap:
Konsep Omgewingsinvloedbepalingsverslag UITVOERENDE OPSOMMING
hierdie gedragskode verbreek. Alle afdankings moet ooreenstem met die Suid-Afrikaanse
Arbeidswetgewing.
21) Voordat die konstruksiefase begin moet ʼn 24-uur klagtestelsel opgestel word vir die ontvang en
aanspreek van enige klagtes. Plaaslike boere en inwoners moet van die kontaknommer in
kennis gestel word.
22) Daar moet ondersoek ingestel word na die instelling van ʼn opleiding- en
vaardigheidsontwikkelingsprogram voordat daar met die konstruksiefase begin word. Die doel
van so ʼn program is om so veel as moontlik plaaslike persone tydens die konstruksiefase in
diens te neem.
23) Voor daar met die tenderposes begin word, moet PPC ʼn databasis opstel van alle plaaslike
maatskappye wat moontlike diensteverskaffers kan wees (konstruksie, spyseniering, sekuriteit,
rommelverwydering ens). Hierdie maatskappye moet van die tenderproses in kennis gestel
word en, waar toepaslik, uitgenooi word om vir projek-verwante werk te tender.
24) PPC moet met die plaaslike sakekamer en gastebedryf in gesprek tree ter inligting van enige
strategieë wat hulle mag opstel om die maksimum voordeel uit die Projek te trek.
Impak op die ekonomie
Uitgawes op die konstruksie en bedryf van die beoogde opgegradeerde aanleg:
25) Wanneer tenderdokumente opgestel word, moet PPC teikens stel vir die hoeveelheid plaaslike
arbeid wat gebruik moet word, gebaseer op die behoefte van die proponent en die
beskikbaarheid van bestaande vaardighede, en op persone wat gewillig is om opleiding te
ondergaan.
26) Waar moontlik moet plaaslike sub-kontrakteurs gebruik word. Kontrakteurs van buite die
plaaslike gebied wat vir werk tender moet ook voldoen aan die teiken vir die aantal plaaslike
persone wat in diens geneem moet word.
27) PPC moet ʼn kapasiteitsbouprogram “hoe om te tender” vir geskikte plaaslike kontrakteurs
instel sodat hulle nie die tenderproses as ʼn onredelike struikelblok ervaar nie.
Bedryfsfase
Impak van kalkstof op landboupotensiaal
28) PPC moet ʼn grondmoniteringsprogram instel wat oor ʼn tydperk enige verandering in die pH
en/of onttrekbare kalsium in die grond in ʼn gebied rondom PPC se eiendom (wat deur kalkstof
besoedel kan word) sal bepaal.
Impak op erfenishulpbronne
29) Wat die Smutshuis en buitegeboue betref moet PPC ʼn moniteringsprogram vir skietwerk in
samewerking met ʼn toepaslik-gekwalifiseerde erfenisdeskundige opstel om die impak van
mynskietwerk op hierdie erfenisterrein oor ʼn tydperk te bepaal.
30) Ontwikkel en pas onderhoudsmaatreëls toe vir die kerkhof vir PPC se personeel.
Impak op grondwater
31) Installeer vier moniteringsboorgate op strategiese plekke.
32) Gebruik pomptoetse om die T- en S-waardes van hierdie boorgate te bekom vir
vergelykingdoeleindes met die waardes wat in die model gebruik is.
28